ب ههلكهفتا 16ێ تهباخێ لقێ ئێك ههژمارهكا خێزانێن شههیدان خهلاتكرن
دهۆك، نهوزاد هلۆری:
ب ههلكهفتا 16ێ تهباخێ و دامهزراندنا پارتی دیموكراتی كوردستان، لقێ ئێك یێ پارتی دیموكراتی كوردستان ههژمارهكا خێزانێن شههیدان خهلاتكرن.
سهربهست تروانشی، بهرپرسێ لقێ ئێك و ئهندامێ سهركرداتیا پارتی دیموكراتی كوردستانێ د پهیڤهكێ دا بۆ كهسوكارێن شههیدان بهحس ل رۆلێ سهربلندێ شههیدان د پێناڤ قوربانیدان و پاراستنا ئاخا كوردستانێ و رۆلێ پارتی د خزمهتكرنا وان دا كر، دیسا خویا ژی كر كو حوكمهتا ههرێما كوردستانێ ل سهر كار و خهبات و بهرنامه و چاكسازی بۆ باشتركرنا رهوشا ژین و ژیارا خهلكێ كوردستانێ بێ جوداهی بهردهوامه.
مهسعود سهرنی، كارگێرێ لقێ ئێكێ پارتی دیموكراتی كوردستان بۆ ئهڤرۆ گوت: (ب ههلكهفتا سالرۆژا دامهزراندنا پارتی دیموكراتی كوردستان، مه وهكو لقێ ئێك یێ پارتی ب فهردیت، كو هژمارهكا خێزانێن شههیدان و زارۆیێن شههیدان ئهوێن پاش باب بووین خهلات بكهین، كو ههژمارا وان 75 خێزانێن شههیدان و 14 زارۆیێن پاش باب بوون).
سهرنی زێدهتر گوت: (پارتی دیموكراتی كوردستان د ههموو قووناغێن ژییێ خوه دا كار و خهبات و قوربانیدانهكا پێشچاڤ بۆ پاراستنا ئاخا كوردستانێ و خزمهتكرنا خهلكێ كوردستانێ بێ جوداهی كریه، نوكه ژی پارتی هێزهكا گرنگ و ستراتیژیه ل كوردستان و ئیراقێ).
