ب هیڤی مە بۆ جارا سێیێ تیما دهۆكێ سەربێخینە پلا نایابا كوردستانێ
شاهۆ فەرید:
ئەڤرۆ تیما یانەیا دهۆك د خولا پلە ئێكا كوردستانێ ناڤا ئەرد و جەماوەرێ خوە مێهڤانداریا یانەیا زانكۆ یا جیهان كەتن و ئەڤ یاریە بۆ هەردوو لاین گرنگە و سەركەفتی دێ دەربازبوونا وی مسوگەربیت.
د داخویانیەكێ دا هەرمان سالح راهێنەری تیما فۆتبولا یانەیا دهۆكێ یا خولا پلە ئێكا كوردستانێ بۆ رۆژنامەیا ئەڤرۆ دیاركر هەڤڕكییا مە ل گەل یانەیا سێمێل و زانكۆیا جیهان بەردەوامە بزاڤا دەستڤەئینانا پلێتا دەربازبوونێ بۆ خولا نایاب یا گەرمە، یاریا بهێت بەرامبەری هەڤڕكا مە زانكۆیا جیهانە ناڤا ئەرد و جەماوەرێ مە دا، ئەگەر ئەم سەركەفتین دێ دەربازبوونا مە مسوگەر بیت بەرهەڤی باشی هاتینەكرن ئەڤ یاریە چارەنڤیسێ مە دیاركەت، بۆ یاریا دووماهیێ خوە چ ئەنجامبیت كارتێكرنێ ناكەت بەرامبەری شەقلاوە.
زێدەتر ناڤهاتی گۆت: دو جاران تیما یانەیا دهۆك من سەرئێخستیە پلایا نایاب جارەكێ وەكر هاریكارێ راهێنەری و جارا دویێ راهێنەر ئەڤە دێ بیتە جارا سێیێ هەكە هات و تیمێ سەربێخم بۆ خولا نایاب و بهیڤی مە بۆ ڤێ ئارمانجی، براستی د هەموو كاروانێ خوە یێ راهێنەریێ دا من ژ خولا پلا ئێك نەخوەشتر نەدیتیە، چونكۆ خول ئێك قووناغە هەموو تیم بەرهەڤی و هێز دهێنە ناڤا دا هەڤركی یاب ئالوزە، هەر یاریی دوویڤ شیان و شانسێ تە دمینیت، دەمێ بەرهەڤیا گەلەكێ درێژە هەر تیمەك دشێت خوە باشی بەرهەڤبكەت چونكۆ دەمی كێمە یێ خولێ.
ژلایەكێ دووڤە هەرمان سالح گۆت: هەرژدەستپێكا دەست بكاربوونا من و هەتا نوكە كارگێریا یانەیا دهۆك گەلەكا هاریكارە و پشتەڤانیا مە كریە شیاینە نۆت ژ سەدێ تیمێ ب گوهۆڕم بەر ب ئاستەكێ باش ببەم، دەمێ من تیم وەرگرتی كێم یاریزان مابوون هەموو ئێك هێل یاریی دكرن، نەچاربووم هندەك یاریزانان دۆربێخم هندەكێن دی شوینا وانا بینم، گەلەك كاودانێن نەخوەش دەرباز بكەین خال و سەركەفتنا دەستڤەبینین، گەلەكا زەحمەتە تو تیمەكا هۆسا لاواز سەر و ژنوو تیمەكێ ئاڤا بكەیی.
