ب هەلكەفتا 47 سالیا شۆڕەشا گولانێ رێز ل 26 پێشمەرگە و خەباتكارێن پارتی هاتە گرتن
ئەڤرۆ
ب هەلكەفتا بۆرینا 47 سالان ل سەر دەستپێكرنا شۆڕەشا گولانا پێشكەفتنخواز و ب بەرهەڤبوونا سەباح بەیتولا، جێگرێ بەرپرسێ رێكخستنا پارتی ل بادینان، د. عەلی تەتەر، پارێزگارێ دهۆكێ و عەلی عەونی، بەرپرسێ لقێ ئێك و چەندین كادرێن پارتی ل رۆژا 25/5/2023 ل هولا كۆنفرانسان ئاهەنگەكا تایبەت ل دۆر شۆڕەشا گولانێ هاتە ئەنجامدان.
بەرپرسێ لقێ ئێك د پەیڤەكێ دا، رۆلێ پێشمەرگەهێن قەهرەمان و دلسوزێن رێبازا پارتی و بارزانیێ نەمر د شۆڕەشا گولانا پێشكەفتنخواز دا بەرچاڤكر و گۆت: «ئارمانج ژ شۆڕەشێ ئەو بوویە، كو بەرهنگاریا داگیركەران بهێتە كرن و كوردستان بهێتە ئازادكرن».
دیسا د وێ ئاهەنگێ دا فلمەك ل دۆر شۆڕەشا گولانا پێشكەفتنخواز هاتە نیشادان.
ل دووماهیا ئاهەنگێ ژی رێز ل 26 پێشمەرگەه و خەباتكار و ئەندامێن پارتی یێن سەردەمێ شۆڕەشا گولانێ هاتە گرتن.
