ب وێنه – ئه‌و سندوقا كو ریكوردا ده‌نگێ به‌لێ تێدا شكاندى ، ل موزه‌خانه‌یا شه‌هیدان هاته‌دانان
ئه‌ڤرۆ نیوز ، نه‌وزاد هلۆرى:
پشتى كو ده‌ڤه‌را بارزان ریكوردا هه‌رێما كوردستانێ د رێژا پشكدارى و ده‌نگێ به‌لێ د پرۆسه‌یا ریفراندۆمێ بو سه‌ربخوه‌ى یا كوردستانێ شكاندنى رێڤه‌به‌ریا كاروبارێن شه‌هید و ئه‌نفالكریان دێ ئه‌و سندوقا كو وه‌لاتیان ده‌نگێن خوه كرینه تێدا وه‌كو بیرهاتن ل موزه‌خانا شه‌هیدان ل ده‌ڤه‌را بارزان دانیت.
دڤى واریدا “رێبوار ره‌مه‌زان ” رێڤه‌به‌رێ رێڤه‌به‌ریا كاروبارێن شه‌هید و ئه‌نفالكریێن بارزان بۆ ئه‌ڤرۆ نیوز گۆت: ( پشتى كو ل رێكه‌فتى 25 ئیلونا بورى وه‌لاتیێن ده‌ڤه‌را بارزان ب گه‌رما و گه‌رم پشكدارى د پرۆسه‌یا ده‌نگدان بو ریفراندۆما سه‌ربخوه‌ى یا كوردستانێ دا كرى و ریكوردا پشكدارى و ده‌نگێ به‌لێ ل هه‌رێما كوردستانێ شكاندى ، مه ب فه‌ردیت كو ئه‌وێ سندوقا كو وه‌لاتیێن ده‌ڤه‌را بارزان ده‌نگێن خوه بو سه‌ربخوه‌ى یا كوردستانێ تێدا دایى ل كومسیونێ داخواز بكه‌ین و ل موزه‌خانا شه‌هیدان ل رێڤه‌به‌ریا شه‌هید و ئه‌نفالكریێن ده‌ڤه‌را بارزان بدانین و سوپاس بو خودێ كومسیوونێ ره‌زامه‌ندیا خوه لسه‌ر دا و نها مه ل موزه‌خانا شه‌هیدێن شه‌رێ داعش دانایه)
زێده‌تر گۆت: ( وه‌لاتیێن ده‌ڤه‌را بارزان ب رێژا زێده‌تر 99% پشكدارى د ده‌نگدانێ دا كر و ب رێژا 100% ژى ده‌نگ ب به‌لێ بو سه‌ربخوه‌ى یا كوردستانێ دا كو ئه‌ڤ یه‌ك ژى جهێ شانازیا خه‌لكێ كوردستانێ ب گشتى و ده‌ڤه‌را بارزان ب تایبه‌تى یه ، مه‌ره‌ما مه ئه‌وه كو جیلێ داهاتى بزانیت كو خونا شه‌هیدان ب هه‌روه نه‌چوو و گه‌لێ كوردستانێ و وه‌لاتیێن ده‌ڤه‌را بارزان سوزا خوه به‌رامبه‌ر شه‌هیدان بجهكر و ئێدى دڤێت ئه‌و ژى لسه‌ر رێبازا وان به‌رده‌وام بن)
