ب وێنه: ئۆباما ئێدى نه كرێداره… كليك بكه بۆ ديتنا وێنه‌يێن خانيێ وى يێ نوو
ئه‌ڤرۆ نيوز:
باراك ئۆباما، سه‌رۆكێ به‌رێ يێ ئه‌مريكا پشتى ل رۆژا 20ى كانوونا دويێ 2017 ژ دو خولێن خوه يێن سه‌رۆكاتيێ ب دووماهى هاتى و كوچكا سپى ب جهـ هێلايى، ل تاخه‌كێ واشنتۆن خانيه‌ك ب كرێ گرتبوو دا كو ل گه‌ل خێزانا خوه د وى خانى دا بژيت كو روويێ وى نێزيكى 1000 مه‌ترايه.
پشتى كێمتر ژ پێنج هه‌يڤان، ئۆبامايى ئه‌و خانى ب كۆژمێ 8 مليۆن و 100 هزار دۆلاران كرى و خوه ژ كرێداريێ رزگاركر.
ئۆباما هێشتا هێڤێنێ سه‌ر ده‌ڤێ ده‌زگه‌هێن راگه‌هاندنا وه‌لاتێ خوه و جيهانێ يه و گرنگيه‌كا مه‌زن پێ دهێته دان و هه‌تا نوكه ژى هه‌كه گۆتاره‌كێ بۆ رۆژناما “وۆل ستريت جۆرنال” بنڤيسيت ب 400 هزار دۆلارايه.
ده‌زگه‌هێ Penguin Random House بۆ چاپ و به‌لاڤكرنێ ژى راگه‌هانديه كو ئه‌وان رێكه‌فتن ل گه‌ل ئۆباما و خاتينا ئێكێ يا به‌رێ يا ئه‌مريكا كريه كو مافێ چاپكرنا پرتووكێن بيرهاتنێن وان چاپ كه‌ت كو به‌رامبه‌ر وان بڕياره 60 مليۆن دۆلاران وه‌ربگرن.
