سالڤەگەرا ھوجام سورچی ھاتە ساخکرن
ئەڤرۆ نیوز، نەوزاد زادە ھلۆری:
ئەڤرۆ دەمژمێر 11:00 سپێدەیا 26 چریا دوویێ 2016 ل ناڤەندا قەزا بەردەرەش سالڤەگەرا شەھیدکرنا شەھیدێ فەرماندە ھوجام سورچی ھاتە ساخکرن کو ئێکەمین پێشمەرگێ شەھیدبوویە ژلایێ داعشێ ھاتبویە سەربریکرن.
دڤی واریدا عەبدوللا شکاک سەرۆکێ رێکخراوا چاڤین بۆ ئەڤرۆ نیوز گۆت: (مە وەکو رێکخراوا چاڤین ب مەرەما ساخکرنا برینێن شەھیدکرنا ھوجام سورچی لسەر دل و دەرونێن تاکی َکورد داکو نەھێتە ژبیرکرن دەربازبوونا سالەکێ لسەر شەھیدکرنا وی ساخکر و تێدا قارەمانیا وی ب بلندکرنا دروشم و وێنەیێن وی ھاتە ساخکرن).
زێدەتر گۆت: (پێدڤی یە خەلکێ کوردستانێ و لایەنێن شولەژێ ژ حکومەت و پارتێن سیاسی روولێ چوو شەھیدان ژ بیرنەکەن ژبەرکو ئەوان شەھیدان خوینا خوە کریە قوربانی پێخەمەتی ئازادیا نھا ئەم تێدا).
دھێتە زانین کو لرۆژا 26/1/2015 د رۆژەکا وەکو ئەڤرۆ دا شەھید ھوجام سورچی ب دەستێ کوردەکێ دەڤەرا بەردەرەش کو گەھشتبویە ناڤ رێزێن داعش ب شێوەیەکی َزور دراندانە دھێتە سەربریکرن و شەھیدکرن و دبیتە ئێکەمین شەھیدێ ب ڤی شێوەی ھاتیە شەھیدکرن و ئەڤێ یەکێ ژی رەنگڤەدانەکا زور مەزن دناڤ خەلکی دا پەیداکر ب تایبەتی لسەر تورێن جڤاکی و دەزگەھێن راگەیاندنی.
دوڤدا پشتی بورینا 10 ھەیڤان جارەکا دن داعش چەند پێشمەرگەیەکێن دن ژی ب وی رەنگی شەھید دکەتن.
