ب وێنه: دوارۆژ یێ ڤێ سترانا بادینی کلیپ دکەت
ئه‌ڤرۆ نيوز، رۆندك زه‌كى:
ھونەرمەندێ گەنجێ خەلکێ ھەولێرێ دوارۆژ ھادی رابوویە ب کلیپکرنا سترانەکا نوو ب ناڤێ دلدارم.
دوارۆژ ھادی تایبەت بۆ ئەڤرۆ نیوز گۆت: “نھا ئەز مژوولی کلیپکرنا سترانەکا نوو مە ب ناڤێ (دلدارم) کو ئاواز و تێکست فلکلورێ باکوورە ب دەنگێ (مودی ستراتچێک) کو خەلکی باکورێ کوردستانێ یە ھاتیە گۆتن بەلێ من ب ستایلەکێ نوو کار کریە و کریە بەھدینی”.
زێدەتر گۆت: “بۆ دابەشکرنا موزیکێ ئەلند خەیری و کارێ دەرھێنانێ ژی یوسف ستار پێرابووینە، ب ھاریکاریا ریک پرۆدکشن و ستودیویا ریک ھاتیە تومارکرن و وێنەکرنا کلیپێ ژی ل رەواندوز ھاتیە کلیپ کرن و نھا د بوارێ مونتاژکرنێ دایە و ل نێزیک دێ کەڤیتە ھەموو کەنالەکێ کوردی یێ ب بخوازیت”.
ھادی دا زانین ژی کو دێ یێ بەردەوام بیت ل سەر کارێن نوو و گۆت: “ھیڤیدارم کو ئەڤ کلیپە خزمەتەکا بچووک بیت ژ بۆ حەژێکەرێن دەنگێ من”.
دوارۆژ ھادی خودانێ سێ بەرھەم ھەنە و پێشتر ژی د گەل چەند ھونەرمەندێن ب ناڤ و دەنگێن خەلکێ دھۆکێ ب بەھدینی ستران گۆتینە نھا ژی رابوویە ب کلیپ کرنا سترانەکا نوو ب زاراڤێ بەھدینی و وەکو وی دیارکری کو دو سترانێن دی د بەرھەمێ وی یێ نوو دا ب زاراڤێ بەدھینی ھەنە.
