يا خه‌مباره
ئەڤرۆ نیوز:
ھونەرمەندا ناڤدارا تورکی سیپەل جانێ راگەھاند، وێ ل بەر بوو ل دووماھیا ڤێ ھەیڤێ نووترین ئەلبۆما خوە یا سترانان بەلاڤ بکەت، لێ ژ نشکەکێڤە بەری چەند رۆژان سترانەکا وێ ئەلبۆمێ ھاتیە دزین و ب شێوەکێ بەرفرەە ل یوتیۆبی و چەند سایتان ھاتیە بەلاڤکرن، و ئەڤێ چەندێ ئەو غەمبار کریە.
ناڤھاتی بۆ مالپەرێ خەبەر تورک دبێژیت: ئەز بڤێ چەندێ گەلەک ئێشام، چونکو ئەڤە دزیە ژمن دھێتە کرن، و من پارێزەرێ خوە راسپاردیە ب ھووری دووفچوونا ڤێ چەندێ بکەت، کا ئەڤ سترانە کێ و چاوا دزیە و گۆت: ھەکە ئەز گەھشتمە سەرەداڤەکا دروست ب گوورەی قانوونێ دێ داخوازا مافێن خوە دکەم.
ناڤھاتیێ ل شەمبیا بۆری د کونسێرتەکێ دا دو سترانێن وێ ئەلبۆمێ گۆتبوون، و ئەو کەسێن ئەو ئاھەنگ رێکخستی دیار دکەن ھەتا نوکە پتری سەد ھزار سیدیێن وێ ئاھەنگێ ھاتینە فرۆتن.
