ب وێنه: سپلێتێ مالا پۆليسه‌كى سۆت
ئه‌ڤرۆ نيوز:
رێڤه‌به‌ريا به‌ره‌ڤانيا باژێرى راگه‌هاند كو ده‌مژمێر 8:45 ده‌قيقه ل ئێك ژ تاخێن قه‌زا زاخۆ ژ ئه‌گه‌رێ شۆرته‌كێ كاره‌بێ د سپلێتێ دا ئاگر به‌ربوو مالا كۆمسه‌ره‌كى.
بێوار عه‌بدولعه‌زيز به‌رپرسێ راگه‌هاندنا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “دوهى رۆژا شه‌مبى رێكه‌فتى 14ى چريا دويێ ل ده‌مژمێر 8:45 ده‌قيقه يێ شه‌ڤ ژ ئه‌گه‌رێ شۆرته‌كێ كاره‌بێ ل قه‌زا زاخۆ به‌رامبه‌ر دادگه‌هێ ئاگر به‌ربوو شوقا كۆمسيه‌ره‌كێ پۆليسێن زاخۆ”.
زێده‌تر گۆت: “پشتى ئاگه‌هداربوون ل سه‌ر روودانێ تيمێن به‌ره‌ڤانيا باژێرى ل زاخۆ گه‌هشتنه جهێ روودانێ و شيان روودانێ كۆنترۆل بكه‌ن، به‌لێ زيانێن مادى گه‌هشتنه مالا كۆميسه‌رێ پۆليسێن زاخۆ”.
