ب وێنه: عه‌با ره‌شێن سلێمانیێ ل دهۆكێ هاته نیشادان
ئه‌ڤرۆ، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا هونه‌رێ شانۆیێ ل دهۆكێ، كۆمه‌لا هونه‌رێن جوان مه‌لبه‌ندێ گشتى یێ سلێمانیێ شانۆگه‌ریا عه‌بایێن ره‌ش ل دهۆكێ مێهڤان كر و ل ئه‌ینى یا بورى 13/3/2015 ل ده‌مژمێر 5 ئێڤارى ل هۆلا چالاكیێن قوتابخانان ل دهۆكێ هاته نیشاندان.
گۆران نامیق ده‌رهێنه‌رێ ڤێ شانۆگه‌ریێ بۆ ئه‌ڤرۆ دیار كر: شانۆگه‌ریا عه‌بایێن ره‌ش ژ ده‌رهێنانا وى و (به‌رێز مه‌جید) ى و نڤێسین ژى هه‌ر یا (به‌رێز مه‌جید)ى بوو، و 8 ئه‌كته‌ر تێدا پشكدار ببوون، و گۆت: بابه‌تێ ڤێ شانۆگه‌ریێ ل دۆر وان ئاریشان بوو ئه‌وێن د ناڤ جڤاكێ مه دا هه‌ین ب تایبه‌تى ئه‌و ئاریشێن دكه‌ڤنه د رێیا ژنێ دا.
هه‌روه‌سا ناڤهاتى گۆت: نوكه هنده‌ك كه‌س هه‌نه بوو خوه ب ده‌رفه‌ت دبینن ب ناڤێ ئیسلامێ كارێن نه جوان ئه‌نجان بده‌ن، ژ به‌ر ڤێ چه‌ندێ مه ب فه‌ر دیت د ڤێ شانۆگه‌ریى دا وان كریارێن وان یێن نه جوان ژى نیشان بده‌ین.
ل دووماهیێ نامیق د بێژیت: به‌رى نوكه مه ئه‌ڤ شانۆگه‌ریه بۆ ده‌مێ شه‌ش رۆژان ل باژێرێ سلێمانیێ نیشاندا و ئه‌ڤه مه ل دهۆكێ ژى نیشاندا و پشتى دهۆكێ ژى ل هه‌ر جهه‌كێ پێدڤى بوو ئه‌م د به‌رهه‌ڤین بچین ڤێ شانۆگه‌ریێ ل وێرێ ژى نیشان بده‌ین.
