ب وێنه: ل بارزان جوره‌كێ نوو يێ سۆپێن داران هاتنه چێكرن
ئەڤرۆ نیوز، نەوزاد ھلۆری:
وەلاتیەکێ دەڤەرا بارزان ب ناڤێ سادق ئاستەیی د نووترین داھێنان د کارێ خوە یێ ھوستایێ دا، سوپەکا داران یا جودا ژ سوپێن دن درۆستکر کو گەرماتیەکا پتر ددەتن.
دڤی واریدا “سادق ئاستەی” خودانێ داھێنانا سووپا نوو بو ئەڤرۆ نیوز گۆت: ( ھەر ژ زاروکینی من ل ئەز ل مالباتەک ھوستایی و کارزان دا رابویمە و ل سالا 1986 ب شێوەیەکێ فەرمی من کارێ ھوستایێ کر و ھەتا نھا ژی لسەر کاری َھوستایێ بەردەوامم و ژبلی کارێ ھوستایێ چوو کارێن دن ناکەم بەلێ زور سەربلندم ب کارێ خوە ).
زێدەتر گۆت: ( ئەڤ سوپە ژبلی بوریا وێ دوو مەتران بلندە و گەرماتیەکا گەلەک زورتر ژ سوپێن دن ددەتن دەروبەران ، و د ھەمان دەم دا دارێن مەزنتر و درێژتر ژی دچنە تێدا بو سوتنێ ، و دوکێلا وێ ژی دچیتە ژ دەرڤە ).
ھوستایێ ناڤبری دیارکر ژی کو بھایێ ئەڤێ سوپا نوو 250 ھزار دینارایە و گۆت ژی: (ژبلی کو سوپە یا جودایە و درێژترە و پتر گەرمایێ ددەن دھەمان دەم دا سوپە بخوە ژی جھێ بەرمایکێن دار و خولی و ئەو تشتێ کو ل سوپێ دەردکەڤن پێڤە ھەیە و ب رەنگەک جوان و رێک و پێک ژی ھاتیە چێکرن و ناھێلیت کومبار و مافیر ژی بسوژیت ، و نھا ئەز کار لسەر چێکرنا چەندین سوپێن دن یێن بڤی رەنگی دکەم و خەلکەک ژی داخواز دکەت و ب چاڤەکێ جوان و باش سەحا کارێ من دکەن ).
فۆتۆ: ئه‌نوه‌ر هۆستانى
