ب وێنه و ڤیدیۆ: جزدانه‌كا زیره‌ك بۆ هه‌لگرتنا پارا هاته چێكرن
ئه‌ڤرۆ نیوز، هلۆرى:
هژماره‌كا شاره‌زایێن پروگرامان د وارێ ته‌كنولوجیایێ دا، پرۆژه‌یه‌كێ نوو یێ به‌رهه‌مئینانا جزدانه‌كا بچووك یا هه‌لگرتنا پاره‌یان د ناڤا به‌ریكێ دا دروست كریه و خستیه بازارى كو یا زیره‌كه و به‌رى كو كه‌سه‌ك بزاڤا دزینا پاران د وێ جزدانێ دا بكه‌ت، خودانێ خوه ئاگه‌هدار دكه‌ت.
ب گوره‌ى ئه‌وان زانیاریێن كو وان ل سه‌ر ئه‌وێ جزدانێ به‌لاڤكرينه، ب ناڤێ Volterman هاتیه چێكرن و هژماره‌كا تایبه‌تمه‌ندیان ب خوه ڤه دگریت، ژ وانان رامه‌كێ 512م. ب، تێدایه و د شیاندایه موبایلێ ژى بارگه “چارچ” بكه‌ت، هێزا پركرنا وێ ژى د ناڤبه‌را دو هه‌تا پێنج هزار ملى ئه‌مپێرایه، ب رێیا بلوتوز و GPS یا موبایلێ كار دكه‌ت دا كو جهێ جزدان لێ بهێته دیاركرن و هه‌كه جزدان ژ موبایلێ دوور بكه‌ڤیت ژى دێ وێنه‌یه‌كێ بۆ جهێ جزدانێ گریت و بۆ موبایلێ فرێكه‌ت، هه‌كه جزدان بهێته ڤه‌كرن، ئێكسه‌ر دێ وێنه‌یێ وى كه‌سى دگریت و بۆ موبایلێ فرێدكه‌ت.
بهایێ جزدانا ناڤبرى ژى 98 دولارن.