ب وێنه: چاوانيا چێكرنا كوتلده‌وكێ
ئه‌ڤرۆ نيوز:
كوتلده‌وك ئێك ژ خوارنێن كورده‌وارى يێن هه‌ره گرنگه د مێژوويا خوارنا كوردان دا، ل ڤێره دێ رێيێن چێكرنا وێ به‌رچاڤ كه‌ين و ئه‌ڤه ب تايبه‌ت بۆ نه‌وه‌يێ نوو يا گرنگه ئه‌ڤێن ڤان كاران نه‌زانن:
رێيا چێكرنێ:
دێ چار گلاسێ ماستى و چارێن ئاڤا ته‌زى كه‌يه ناڤ ئێك وه‌كو ئاڤه‌ماستى و دێ گه‌له‌ك تێكڤه‌ده‌يى و پاشان ژى دانيه سه‌ر ئاگره‌كێ رحه‌ت هه‌تا كه‌ل بهێتێ. پاشان ژى هنده‌ك جاترێ كه‌يه ناڤ ل دووڤ حه‌ز و پێدڤيێ.
ل هنده‌ك جهان ماست نه‌يێ ترشه يان ل هنده‌ك جاران ماستێ په‌زى ب ده‌ست ناكه‌ڤيت، ئه‌ڤجا تو دشێى ئاڤا دو له‌يمونا بكه‌يه ناڤ.
پاشان دێ په‌ياله‌كا برنجێ كوردى يان ئه‌ڤێ ل بازارى يێ دندك هوور ب ناڤێ كوردى دهێته فرۆتن به‌رده‌يه ناڤ.
پاشان ژى دێ هنده‌ك نه‌عنه‌عا ته‌ر ژى به‌رده‌يه ناڤ و هه‌كه يا ته‌ر ب ده‌ست نه‌كه‌فت د شيان دايه ل جهێ وێ، نه‌عنه‌عا هشك ژى بهێته ب كار ئينان.
پاشان دێ كوتلكێت خوه كه‌يه د ناڤ دا، چو پێ نه‌ڤێت به‌رى هنگى دڤێت كوتلكێت ته د ئاماده بن، د كورده‌واريێ دا زێده‌تر كوتلكێن ئارخافكێ دكرنه ناڤ كو پێكهاتێ وێ زه‌يت و ئار و ئاڤن و هنده‌ك گيز و بهاراتان ل دووڤ حه‌زا خوه دكه‌نێ كو دێ ل ده‌سپێكێ زه‌يتا خوه باش قه‌لينى و پاشان ژى ئارى ل سه‌ر قه‌لينى و تێكڤه‌ده‌ى و پيچه‌كا ئاڤێ ژى كه‌يه ناڤ و هه‌كه ڤيا هنده‌ك كاكلان كه‌يه د ناڤ دا.
د شيان دايه كوتلكێن گوشتى يا مريشكێ ژى بهێنه ب كارئينان كو دێ قيمێ خوه ژ گۆشت يان مريشك و كه‌ره‌فس و پيڤاز و زه‌يت و بهاراتان پێك دهێت.
ده‌مێ ته كوتلك كرنه ناڤ ئاڤكا وێ دا، دێ ئێك كۆپێ نوكێت كه‌لاندى ل گه‌ل سێ گلاسێن ئاڤا كه‌ل كه‌يێ دا كو كوتلكێن ته باش بكه‌لن.
پاشان ژى دێ به‌رهه‌ڤ بيت و هه‌وه سحه‌ت بيت.
به‌رهه‌ڤكرن: دايكا ئاشنايێ
