ب وێنە – ئەنجامدانا ئێکەمن ڤیستەڤال ل دەڤەرا بارزان
ئەڤرو نیوز ، نەوزاد هلوری.
ب هەلکەفتا شورەشا گولانێ و 55 سالیا پێشمەگەربوونا سەروک بارزانی و پشتەڤانیکرنا ریفرانومێ ، و ب بەرهەڤبوونا هژمارکا زور یا کەسایەتی و دام و دەزگەهێن حکومی و حزبی و وەلاتیان ب پشکداریا چەند هونەرمەندەکێن مللی ئێکەمین ڤیستەڤالا هونەر و کەلتوری ل دەڤەرا بارزان هاتە ئەنجامدان.
هەژار ئیدلیبی ئێک ژ رێکخەرێن ڤیستەڤالێ بۆ ئەڤرو نیوز گۆت: (ب هەلکەفتا شورەشا گولانێ و 55 سالیا پێشمەرگەبوونا سەروک بارزانی و پشتەڤانیکرنا ریفراندومێ ، بو ئێکەمین جار د دیرۆکا خودا ڤستەڤالەکا هونەری ، کەلتوری و جوراوجور ل دەڤەرا بارزان ل ناوچەیا مزوری یا هاتە ئەنجامدان کو تێدا چەندین چالاکیێن هونەری ، کەلتوری ، جڤاکی و جۆراوجور ب رێڤەچوون)
زێدەتر گۆت: (هەر چەند ڤیستەڤال یا تایبەت بۆ ب مزوری و دەڤەرا بارزان ڤە ، بەلێ مێهڤان و کەسایەتی ژ هەموو دەڤەرێن کوردستانێ هاتبوونە داخوازکرن و بەرهەڤ ببوون ، ئومێدەوارین کو ب زوترین دەم ریفراندوم و سەربەخوی بهێتە ئەنجامدان)
