ب وێنە – بو ئێکەمجار نیمچە پرتوکخانەکا حکومی ل شێلادزێ هاتە ڤەکرن

ئەڤرۆ نیوز ، نەوزاد هلۆری:

ئەڤرۆ ل سەنتەرێ ناحیا شێلادزێ ب بەرهەڤبونا هژمارەکا دام و دەزگەهێن حکومی و حزبی بو ئێکەمجار نیمچە پرتوکخانەکا حکومی ل شێلادزێ هاتە ڤەکرن.

دڤی واریدا سەفەر رێکانی رێڤەبەرێ پرتوکخانا ژیندا ل شێلادزێ بۆ ئەڤرۆ نیوز گۆت: (پرتوکخانا ژیندا کو ژلایێ گرۆپێ ژیندا ب هەڤکاری ل گەل رێڤەبەریا گشتی یا پرتوکخانا بەدرخانیان ل دهۆکێ هاتیە دروستکرن ئەڤرو د رێورسمەکێ دا ب بەرهەڤبونا هژمارەکا دام و دەزگەهێن حکومی و حزبی ل سەنتەرێ ناحیا شێلادزێ هاتە ڤەکرن و کەفتە د خزمەتا خواندەڤانان دا)

زێدەتر گۆت: (پروکخانە هەموو جورێن پرتوکان ب خوڤە دگریت کو نێزیکێ 800 ناڤ و نیشان و بابەتێن جواوجورن و ل ڤێرە خزمەتا دانا و زڤراندنا پرتوکان هەیە بو هەرکەسێ بخوازیت)

دهێتە زانین کو ناحیا شێلادزێ زێدەتری 43 هزار کەس تێدا دژین و دێ مفای ژ پرتوکخانا ناڤبری وەرگرن.

کۆمێنتا تە