ب وێنە: ل سۆران خرڤه‌بوونه‌كا نه‌رازیبوونێ هاتە ئەنجام دان
ئه‌ڤرۆ نیوز، نه‌وزاد هلورى:
بۆ جارا دویێ به‌شه‌ك ژ رێكخراوێن ژینگه‌هێ و مه‌ده‌نى ده‌ست ب خرڤه‌بوونێن نه‌رازیبوونێ كر و تێدا داخواز ژ لایه‌نێن شوله‌ژێ كر كو ب زووترین ده‌م نه‌فتا سپى لسه‌ر مال و قوتابخانه‌یان دابه‌ش بكه‌ن.
هه‌ژار ئیدلیبى، سه‌رۆكێ رێكخراوا وار بۆ پاراستنا ژینگه‌هێ بو ئه‌ڤرۆ نیۆز گۆت: (لژێر چه‌ند درۆشمه‌كان ژ وانان “هەکە حوكمه‌ت بابێ گه‌له، نه‌فتا مه بده به‌په‌له ” هژماره‌كا رێكخراوێن ژینگه‌هى و مه‌ده‌نى ل سنورێ قه‌زا سۆران ده‌ست ب خرڤه‌بوونه‌كا نه‌رازیبوونێ كر و تێدا داخواز كر كو ب زووترین ده‌م نه‌فتا سپى لسه‌ر مال و قوتابخانان بهێته دابه‌شكرن).
زێده‌تر گۆت: (ده‌ڤه‌را سۆران ئێكه ژ وان ده‌ڤه‌رێن سار، پێدڤیه سالانه زێده‌تر ژ به‌رمیله‌كا نه‌فتێ لسه‌ر وه‌لاتیان بهێته دابه‌شكرن، به‌لێ جهێ داخێ یه هه‌تا نها چو نه‌فت لسه‌ر خه‌لكى نه‌هاتیه دابه‌شكرن، ئه‌ڤه زێده‌بارى كو كارتێكرن لسه‌ر خێزان و قوتابیان هه‌یه، د هه‌مان ده‌م دا كارتێكرن لسه‌ر ژینگه‌هێ ژى هه‌یه، چونك، دێ بیته ئه‌گه‌ر كو به‌شه‌ك ژ خه‌لكى بچنه دارا و دارێن ته‌ر ببڕن و كارتێكرنێ ل ژینگه‌هێ بكه‌ت).
