ب وێنە: مالەك ھاتە سووتن
ئه‌ڤرۆ نيوز، نەوزاد زادە ھلۆری:
ئەڤرۆ سپێدێ ژ ئەگەرا شوتەکا کارەبێ ئاگر بەربوویە مالەکێ ل سەنتەرێ ناحیا شێلادزێ و زیانێن ماددی ل پشتخوە ھێلان.
بێوار ئیبراھیم ژ بنگەھێ بەرگریا شارستانیا شێلادزێ بۆ ئەڤرۆ نیوز گۆت: (ژ ئەگەرا شوتەکێ کارەبێ سپێدەھیا ئەڤرۆ ل دەمژمێر 7:00 ئاگر بەریە مالا وەلاتی ئیسماعیل شێخ عومەر ل سەنتەرێ ناحیا شێلادزێ و سوپاس بو خودێ بێی کو زیانێن گیانی ھەبن روودان ھاتە کونترولکرن بەلێ ب مخابنیڤە زیانێن زورێن ماددی ب ئەوێ مالێ کەفتن).
زێدەتر گۆت: (ژ بەرکو سپێدە زوو بوو و خودانێ مالێ دنڤیستی بوون زویکا بنگەھێ بەرگریا شارستانی نەھاتە ئاگەھدارکرن و دوڤدا پشتی بوریتا ئێک دەمژمێر ژ نوو ئەم ھاتینە ئاگەھدارکرن و پاشان مە شیا بگەھینە جھێ روودانێ و کونترول بکەین).
