ب وێنە – نەوروز و 174 ھونەرمەندێن دی پشکداربوون
ئەڤرۆ نیوز ، نەوزاد ھلۆری:
دوھی ل ھولا موزەخانا نیشتمانیا سلێمانیێ گروپێ دلخواز پێشانگەھەکا شێوەکاری بو 174 ھونەرمەندێن ھەر چوار پارێزگەھێن ھەرێما کوردستانێ ڤەکر و تێدا ھژمارەکا زور یا تابلویێن جوراوجور ھاتنە نمایشکرن.
دڤی واریدا ھونەرمەندا کچ نەوروز شەھاب کو ب چەند تابلویەکان پشکدارببوو بۆ ئەڤرۆ نیوز گۆت: ( گروپێ دلخواز پێشانگەھەکا شێوەکاری و کارێن دەستی ژ بوو 174 ھونەرمەندێن کوردستانا باشوور یێن ھەر چوار پارێزگەھێن ھەرێما کوردستانێ ل ھولا موزەخانا نیشتمان ڤەکر و من ژی ب چەند تابلویەکان پشکداری کر)
زێدەتر گۆت: (ئەڤ پێشانگەھە ب ھەلکەفتا وەغەرکرنا ماموستا ئەمین بالدار بوویە کو تێدا کومەکا تابلویێن وێنە و پەکەرتاشی و سیرامیک و خوشنڤیس و کارێن ھونەری ھاتنە نیشاندان کو مەرەم ژی پێشچاڤکرنا کارێن ھونەریێن ھەموو کوردستانا باشوور بوون داکو زێدەتر ھەڤنیاسین و تێکەلی دناڤبەرا ھونەرمەندان درۆست ببیت )
ھونەرمەندا شێوەکار نەورزو شەھاب د دەمێ بوری دا خزمەتەکا بەچاڤ بو ھونەرێ شێوەکاری کریە و چەندین پێشانگەە ڤەکرینە و د چەندین پێشانگەھان ژی پشکداربوویە ، بەرھەڤی چەندین پێشانگەھێن دن ژی دکەت ، و ئێک ژ وان کارێن کو ئەوێ کرین چێکرنا وێنەیەکێ شێوەکاری بوویە بو شەھیدێ فەرماندە مەغدید ھەرکی بوویە.
