ب وێنە و ڤیدیو – ھاتن و چونا چەند گوندەکێن ئامێدیێ ھێشتا لسەر چوپایە
فوتو و زانیاری ، نەوزاد ھلۆری:
ئاکنجیێن چەند گوندەکێن سنوورێ ناحیا شێلادزێ ل دەڤەرا ئامێدیێ ھێشتا لسەر چوپەیانە و کارمەندەکێ نقومڤانێن شێلادزێ ژی دیارکر کو ل سالا ١٩٩٧ ھەتا نھا ١٣ کەسان ژ ئەگەرا چوپەیان خەندقینە.
عەبدوللا سەدیق موختارێ گوندێ ھلورا یا سەر ب ناحیا شێلادزێ بۆ ئەڤرۆ نیوز گۆت: (ھاتن و چوونا وان و دوو گوندەکێن ب رەخ وان ڤە لسەر چوپەیانە و ژبلی چوپەی چوو رێکێن دن نین نکو ئەو بکاربینن بو مەرەمێن ھاتن و چوون و دەربازبوون ل روباری)
زێدەتر گۆت : ( نھا وەرزی َھاڤینێ یە و وەرزێ چاندن و سماق چنین و چەندین شولێن دن یێن گوندایە ، ئەم نکارین ھەموو کارێن خوە ب چوپەیان ئەنجام بدەین ، ئەگەر وەرزێ زستانێ بھێت ھاتن چوون ب چوپەیان ژی نامینیت)
رۆژھات حاجی ژ تیما نقومڤانێن شێلادزێ بۆ ئەڤرۆ نیوز گۆت: ( ھەبوونا چوپە و بکارئینانا وان زور مەترسیە بو سەر ژیانا وەلاتیان ب تایبەتی ژن و زاروکان ، و ھندەک گوندێن سنوورێ شێلادزی َوەکو گوندێن سارکی و ھلورا و شنیێ ب نەچاری چوپەیان بکاردئینن و ئەڤێ یەکێ ژی مەترسی بو سەر ژیانا وان درۆستکریە و د بوری ژی دا چەندین کەسان گیانی َخوە ژ دەستدایە ژ ئەگەرا چوپەیان ھەر بوو نموونە ل سالا ١٩٩٧ ھەتا نھا ١٣ کەسان ب ئەگەرا بکارئینانا وان گیانێ خوە ژ دەستدایە)
