ب وێنە: گەنجەکێ ئێزدی ٩٠ بەلگەنامەیان ل سەر جینوسایدا شنگالێ کۆم دکەت
ئەڤرۆ نیوز، لەزگین جوقی:
گەنجەکێ ئاوارەیی شنگالێ بۆ ئەڤرۆ نیوز دیارکرکو ھەتا نوکە ٩٠ پەرتووکێن ل سەر جینوسایدا شنگالێ دناڤ مالا خوە دا کۆمکرینە و بەردەوام ژی ھەر تشتەکێ گرێدایێ جینوسایدا شنگالێ بھێتە بەلاڤکرن ئەو کۆم دکەت.
چالاکڤان، مەیسەر ئادانی بۆ ئەڤرۆ نیوز دیارکرکو ھەتا نوکە گەلەک پەرتووکێن گرنگ لسەر جینوسایدا شنگال ھاتینە چاپکرن وبەلاڤکرن لێ ھەتا نوکە ئەو شیایە ٩٠ ژوان دناڤ پەرتووکخانەکا تایبەت ل مال خوە کۆم بکەن ھەولێن کۆمکرنا ھەموو وان بەلگەنامەیێن ڤێ شیوەیێ دھێنە چاپکرن وبەلاڤکرن دبەردەوام و مەرەم پێ ئەو بشێن رێیا ڤان بەلگەنامە خزمەتا نڤیسەر و قوتابێن زانکۆیی و پەیمانگەە بکەن دەمێ ڤەکۆلین خوە دروست دکەن و پێدڤی پێ دبن دێ شێن مفایی ژی وەرگرن.
زێدەتر گۆت ئەو جینوسایدا بسەر شنگالێ ھاتی ھەتا نوکە ژی یا بەردەوامە ھێشتا ژمارەکا زۆر یا رەڤاندیێن ئێزدی دەستێًن تیرۆرستێن داعشێ دا ماینە و ھێشتا خەلکێ شنگالێ دبن خیڤەتاندایە ئەم دخوازێن رەنگەکی بەرەفرەھتر کار لسەر جینوسایدا شنگال بھێتە کرن وھەموو بھێتە دیکومینتکرن.
