ب وێنە – 10 کیلویێن ھنگڤینی ل ئامێديێ دمێشەکێ دا ھاتنە دەرئینان
ئەڤرۆ نیوز ، نەوزاد ھلۆری:
دوھی ل ئاقارێ گوندەکێ بەری َگارێ یا سەر ب دەڤەرا ئامێدیێ دوو وەلاتیان مێشەکا ھنگڤینی بری کو نێزیکێ 18 کیلویێن ھنگڤینێ سرۆشتی و ئەسلی تێدابوون.
دڤی واریدا نەزیر زێوکی کو ئێک بوویە ژ وان کەسان بوویە بو ئەڤرۆ نیوز گۆت: ( دوو ھەیڤان بەری نھا ئەز و ھەڤالەک چوینە چیایێ گارە ب مەرەما کومکرنا کەنگروکان ، ل وی دەمی مە مێشەکا ھنگڤینی دیت ، بەلێ ژبەرکو یا بچوک بوو و کێم ھنگڤین تێدابوو ، مە دەستنیشانکر و زڤرین مال ، و دوھی دووبارە چوینە چیایێ گارە و مە ئەو مێش بری و نێزیکێ 10 کیلویێن ھنگڤینی تێدابوون کو ھەموو ژی ھنگڤینەکێ ئەسلی و سرۆشتی بوو)
زێدەتر گۆت: ( ئەو ھنگڤین بو فروتنێ یە و کیلویا وان دناڤبەرا 100 ھزار بو 125 ھزار دیناران دھێتە فروتن و ھندەکێ ژی بو مەرەمێن ساخلەمیێ دێ بخوە ھەلگرین ، و ب مەرەما پاراستنا ژینگەھێ ژی مە ب مشاری بتنێ ئەو پارچا داری بریە کو ھنگڤین تێدا و دار وەکو خوە مایە بێی کو بھێتە برین و بکەڤیتە عەردی )
ل گورەی ئاخفتنێن ناڤبری چوو مێشێن ھنگڤینی ل چیایی دڤی دەمێ سالێ دا ناگەھنە 25 کیلویان بەلکو ژ خوار 18 کیلویان تێدا ھەیە و پێشتر ژی چەندین جاران ژلایێ وەلاتیان ڤە ھاتینە برین.
بەرێ گارێ ژ 28 گوندێن ئاڤەدان بخوڤە دگریت ، ژبەر مەترسیا بوردومانا فروکێن تورکیا وەلاتی زو ب زو قەستا چیایی ناکەن.
