ب وێنە: 400 ناڤونيشانێن پرتووكان د پێشانگه‌هه‌كێ دا
ئەڤرۆ نیوز، نەوزاد ھلوری:
ل ژێر چاڤدێریا قایمقامێ قەزا ئامێدیێ، ئەڤرۆ رۆژا دوشه‌مبى رێكه‌فتى 8ى كانوونا دويێ 2017 پێشانگەھەکا پرتووکان ژ لایێ گرۆپێ ژیندا ب ھەڤکاری ل گەل پەیمانگەھا تەکنیکی یا ئامێدیێ، ل ھوڵا پەیمانگەھێ ھاتە ڤەکرن و تێدا ھژمارەکا زور یا پرتووکان ھاتنە نیشاندان.
مەلەڤان سیتەیی بەرپرسێ لژنا پەمانگەھا تەکنیکی یا ئامێدیێ یا ئێکەتیا قوتابیێن کوردستانێ بو ئەڤرۆ نیوز گوت: “ل ژێر چاڤدێریا قایمقامێ قەزا ئامێدیێ، پەرتوکخانا ژیندا ب ھەڤکاری ل گەل پەیمانگەھا تەکنیکی یا ئامێدیێ پێشانگەھەکا پرتووکان ب 400 ناڤ و نیشانێن ژێکجودا ڤەکر کو تێدا زێدەتری سێ ھزار پرتووک ھاتبوونە نیشاندان”.
زێدتر گۆت: “پێشانگەهـ دێ بۆ دەما چار رۆژان یا بەردەوام بیت و داشکاندن د پرتووکان دا ھاتیە کرن”.
