ب پشتەڤانییا مەسرۆر بارزانی ئەڤ سالە تیما مە جودایە و هەڤڕكە
رەمەزان زەكەریا
د داخویانیەكێ دا سەرۆكێ یانەیا بجیل یا وەرزشی ئاشكرا كر یانەیا بجێل ب تەمامی بەرهەڤێن خۆ كرینە تیمەكا ب هێز دروستكرینە و بەرهەڤە بۆ هەر یاریەكا خولا پلە سێ یا كوردستانێ و بریارە ڤان نیزیكا دەست ب راهێنانان بكەین بۆ باشتركرنا شیانێن تێمێ ژلایێ جەستەیی و هونەری ڤە.
زێدەتر رەهێل شەعبان بۆ رۆژنامەیا ئەڤرۆ گۆت: كابینا نەهێ یا حكومەتا هەرێما كوردستانێ ب سەرۆكاتیا مەسرور بارزانی گرنگیەكا زۆر باش ب كەرتێ وەرزشێ دایە وەكۆ پشتەڤانیكرنا تیمێن وەرزشی و دروستكرن و نووژەنكرنا یاریگەهان، یاریگەها یازدە یاریزانیا بجیل دێ مەزنترین هاندەرا یانەیێ بیت بۆ وێ چەندێ ئاستەكێ باشتر پێشكەش بكەت ئەم بلەزین یاریگەها بجیل تەمام ببیت بۆ وێ چەندێ یاریێن خوە تێدا ئەنجام بدەین و مێڤانداریا یانەیان ژی بكەین و هەتا نوكە كاركرن ل سەر یاریگەها بجیل 25% تەمام بووە و چاڤەرێ دوماهی هاتنا پرۆژەی دكەین و ب پشتەڤانییا سەرۆكێ حوكمەتێ ئەڤ سالە تیما مە جودایە و دێ هەڤڕك بین.
ناڤبری گۆتژی: ئەڤسالە تیما یانەیا بجیل شیانێن باش هەنە كو ل پلە سێ دەربازی پلە دو یا كوردستانێ بیت و ئارمانجا مە یا سەرەكی وەكو دەستەیا كارگێری و راهێنەر و یاریزان و جەماوەرێ یانەیێ ئەوە كو ئەڤسالە دەربازبینە خولا پلە دو یا كوردستانێ.
