ب پشتەڤانیێ باتیفا گه‌شبینه دەربازبیته پلا ئێك
عەلی حاجی :
د داخویانیەکێ دا سەرۆکێ یانه‌یا باتیفا یا وەرزشی بۆ رۆژنامه‌یا ئەڤرۆ دیار کر وان هەڤبەستا ژمارەیەکا زێدە یا یاریزانان گرێدایە و چاڤێ وان ل دەربازبوونێ بۆ خولا پلا ئێک.
زێدەتر ئەیهەم جامی گۆت: بۆ یاریێن ڤاڤارتنێن دەربازبوونێ یا خولا پلە دو یا کوردستانێ یا تەپاپێی هەڤبەستا ٢٥ یاریزانان گرێدایە دگەل کادرەکێ ڕاهێنەران یێ خەلکێ باتیفا، وان هەڤبەستا پێنچ یاریزانان ژ زاخۆ و دو یاریزانێن دیتر ژ دهوکێ و چار یاریزان ژ دەڤەرێن ماددەیێن ١٤٠ و دو یاریزانێن دیترێن باژێرێ کەرکوکێ و دو یاریزانێن باژێرێ موسلێ و چەند یاریزانەکێن خەلکێ باتیفا گرێداینە پێخەمەتی هندێ ئەڤ سالە ئەم بشێن تیمەکا رێک و پێک و باش بەرهەڤ بکەین بۆ یاریێن خولێ ئەوا بریارە پشتی حەفتیەکا دیتر بهێنە ئەنجامدان و نابیت ئەم چ خالان د یاریان دا ژ دەست بدەین دا کو ئەم بشێن ئارمانجا خوە بجهـ بینن و مە باوەریەکا مەزن ژی ب تیما خوە هەیە کو دێ ئێک ژ تیمێن دەرباز بوویی بیت بۆ خولا پلە ئێکا کوردستانێ.
ناڤبری گۆت: سەرپەرشتێ ئیدارەیا سەربەخویا زاخۆ پەیوەندی ب وان کریە کو دێ پشتەڤانیا ماددی و مەعنەوی ل تیما وان کەت و د ماوەیێ یاریان دا دێ کوژمەیەکێ زێدەتر یێ پارەیی بۆ وان خەرچ کەت و ئەم چاڤەرێنە ئەو پارە بگەهتە دەستێ وان داکو بشێن موچەیی بدەن.
ناڤبری گۆت: بۆ مووچەیێ یاریزانان ژی مە کوژمەیەکێ پارەیی قەر کریە و مە پێدڤی ب پشتەڤانیەکا باش یا دارایی و جەماوەرێ خوە هەیە داکو دەرباز ببین.
