ب پشكداریا نێزیكی 30  هزار قۆتابیان ئه‌زموونێن 12 ئاماده‌یی دێ‌ هێنه‌ كرن

ئه‌ڤرۆ ، زنار تۆڤی:

ئه‌حمه‌د عه‌بدوللا زۆبێر، به‌رپرسێ‌ راگه‌هاندنێ‌ ل رێڤه‌به‌رییا گشتی یا په‌روه‌ردێ‌ ل پارێزگه‌ها دهۆكێ‌ بۆ رۆژناما ئه‌ڤرۆ دیار كر، ئه‌ڤرۆ 27/6/2022  27 ئه‌زموونێن گشتی یێن قووناغا 12 ئاماده‌یی ل سه‌رانسه‌ری كوردستانێ‌ دێ‌ ده‌ست پێ كه‌ن، ل پارێزگه‌ها  دهۆكێ‌ 29 هزار و 845 قۆتابیێن قووناغا 12 ئاماده‌‌یی ل 633 بنگه‌‌هێن ئه‌‌زموونان ل سه‌‌رانسه‌‌ری پارێزگه‌‌ها دهۆكێ‌، ب هه‌موو پشكێن خوه‌ڤه‌ دێ‌ پشكداریێ‌ د ئه‌‌زموونێن گشتی یێن ئه‌‌ڤ ساله‌‌ دا كه‌‌ن، ئه‌زموون ژی ل ده‌‌مژمێر 7:30 سپێدێ‌ دێ‌ ده‌‌ست پێ كه‌‌ن.

ناڤهاتی گۆت: “رێڤه‌‌به‌‌ریا گشتی یا په‌‌روه‌‌ردێ‌ ل پارێزگه‌‌ها دهۆكێ‌ هه‌موو پێدڤیێن ئه‌‌زموونان بۆ هۆلێن ئه‌‌زموونان ل سه‌‌رانسه‌‌ری پارێزگه‌‌ها دهۆكێ‌ دابینكرینه‌‌ و بۆ ئه‌‌ڤ ساله‌‌ رێنمایێن تایبه‌‌ت ده‌‌ركه‌‌فتینه‌‌ ژ وه‌‌زاره‌‌تا په‌‌روه‌‌ردێ‌ ده‌رباره‌یی چا‌وانیا ئه‌‌نجامدانا ئه‌‌زموونان ل بنگه‌‌هێن ئه‌‌زموونان”.

گۆتژی: “ئه‌ڤ ساله‌ 667 قۆتابیێن ده‌ڤه‌را شنگالێ‌ ل سنوورێ‌ په‌روه‌ردا سێمێلێ‌ دێ‌ پشكداریێ‌ د ئه‌زموونێن قووناغا 12 ئاماده‌یی دا كه‌ن و جه بۆ وان قۆتابیان هاتیه‌ دابینكرن و كرێیا هاتنوچوونێ‌ ژی بۆ وان قۆتابیان دێ‌ هێته‌ مه‌زاختن”.

کۆمێنتا تە