ب پشكدارییا وەلاتێ سعوودیێ كۆڕبەندەكێ ئابووری ل هەرێمێ دێ هێتە سازكرن
زنار تۆڤی:
د. محەمەد شوكری، سەرۆكێ دەستەیا وەبەرهێنانێ ل هەرێما كوردستانێ بۆ رۆژناما ئەڤرۆ دیار كر، پشكدارییا سەرۆكێ حكومەتا هەرێما كوردستانێ و شاندێ د گەل دا ل كۆڕبەندێ ئابووریێ جیهانی ل داڤۆس و دامەزراندنا مالا كوردستان ل داڤۆس گەلەك یا گرنگ بوو، چەندین كۆمبوون و دیدارێن گرنگ هاتینە ئەنجامدان، ل مالا كوردستانێ هەماهەنگیەكا باش یا وەبەرهێنەرێن هەرێمێ ل گەل وەبەرهێنەرێن بیانی هاتییە كرن.
ناڤهاتی گۆت: «سەرپەرشتیكرنا سەرۆكێ حكومەتێ د كۆمبوونان دا ل مالا كوردستانێ و وەبەرهێنەرێن كورد ل گەل وەبەرهێنەران و هاتنا د. فوئاد حسێن، سەرۆكێ جڤاتا ئابوورییا ئیراقێ و كۆمبوون ل گەل وەبەرهێنەران ل مالا كوردستانێ، سۆزدایە بۆ چارەسەركرنا چەندین كێشێن تایبەت ب كارێ بازرگانییا وەبەرهێنانێ ل هەرێما كوردستانێ ڤە».
د. محەمەد شوكری گۆتژی: «سەرۆكێ حكومەتا هەرێما كوردستانێ ل گەل وەزیرێ وەبەرهێنانا سعوودیێ سۆز دایە دو مەهێن بهێن شاندەكێ بلند یێ حكومی و بازرگانی یێ سعوودی سەرەدانا هەرێما كوردستانێ بكەت و كۆڕبەندەكێ ئابووری ل هەرێمێ ساز بكەت، دیسا مە هەماهەنگییەكا باش ل گەل ئیمارات و قەتەر و عومانێ و چەندین وەلاتێن دیتر كرییە، لەوما پشكدارییا سەرۆكێ حكومەتێ و شاندێ د گەل دا دەستكەفتەكێ باشە بۆ هەرێما كوردستانێ».
