ب پلان دێ كاركه‌ین بۆ نه‌هێلانا ماددەیێن هۆشبەر
هه‌ولێر، قائید میرۆ:
سه‌رۆكێ ده‌زگه‌هێ خێرخوازیێ بارزانی د دیدارەکێ دا بۆ ڕۆژنامەیا ئەڤرۆ دیار کر کو ماددێن هۆشبەر بووینه مه‌ترسی لسه‌ر هه‌رێما كوردستانێ و گۆت؛ ده‌زگه‌هێ بارزانی ب ئه‌ركێ خۆ دزانیت ب رێیا چه‌ندین پلانان كار بۆ نه‌هێلانا ماددێن هۆشبەر بكه‌ت.
مووسا ئه‌حمه‌د، سه‌رۆكێ ده‌زگه‌هێ خێرخوازیێ بارزانی دیار كر، ده‌زگه‌هێ خێرخوازیێ بارزانی ب ئه‌ركێ خۆ دزانیت به‌رهنگاری ماددەیێن هۆشبەر ببیت، چونكه دده‌مێ نوكه‌دا ماددەیێن هۆشبەر بووینه مه‌ترسی بۆ سه‌ر هه‌رێما كوردستانێ و گۆت؛ مه وه‌كی ده‌زگه‌هێ خێرخوازیێ بارزانی هه‌وه‌كا مه‌زن یا به‌رهنگاربوونێ ده‌ستپێكریه و دێ ب هه‌موو شیانێن خۆ كار كه‌ین بۆ نه‌هێلان و ژناڤبرنا ماددەیێن هۆشبەر .
موسا ئەحمەد دیار کر ژی، ده‌زگه‌هێ خێرخوازیێ بارزانی به‌رده‌وام بوویه لسه‌ر جێبه‌جێكرنا شیره‌تێن سه‌رۆك بارزانی بۆ به‌رهنگاربوونا ماددەیێن هۆشبەر و دناڤا پلان و به‌رنامه‌یێن ده‌زگه‌هی ژی دیاره كار بۆ ڤێ مه‌ره‌مێ دهێته كرن، د چوارچوڤێ ئه‌ڤێ هه‌وا هاتیه ده‌سپێكرن ب سه‌رۆكایه‌تیا مه‌سرور بارزانی و لژێر رووناهیا شیره‌تێن سه‌رۆك بارزانی ده‌زگه‌هێ خێرخوازیێ بارزانی دێ به‌رده‌وام بیت لسه‌ر كارێن خۆ ژ بۆ نه‌هێلانا ماددەیێن هۆشبەر و گۆت؛ ده‌زگه‌هێ خێرخوازیێ بارزانی سه‌نته‌ره‌كێ چاره‌سه‌ركرنێ بۆ ئه‌ڤان كه‌سێن تووشی ماددەیێن هۆشبەر بووینه ل هه‌ولێرێ ڤه‌كریه.
مووسا ئه‌حمه‌د گۆتژی؛ پێدڤیه هه‌موو جڤاك هشیار ببیت لسەر مه‌ترسیێن بکارئینانا ماددەیێن هۆشبەر، ئه‌ركێ هه‌موو كه‌س و لایه‌كیه پێكڤه كار بۆ نه‌هێلانا ماددەیێن هۆشبەر بكه‌ن، مه چه‌ندین پێنگاڤ ده‌ستپێكرینه و دێ به‌رده‌وام بین ل داهاتی.
سەرۆکێ ده‌زگه‌هێ خێرخوازیێ بارزانی، د بەردەوامیا ئاخفتنێن خۆدا دیار کر کو شه‌ڕێ ماددەیێن هۆشبەر یێ لبه‌ر ده‌رگه‌هێ هه‌موو كه‌سه‌كی و پێدڤیه ئه‌م هه‌ست بڤێ مه‌ترسیێ بكه‌ین و پێكڤه به‌رهنگاری ئه‌ڤێ مه‌ترسیێ ببین و گۆت؛ دێ شیره‌تێن هشیاركرنا وه‌لاتیان ب رێكێن جودا گه‌هینینه هه‌موو ماله‌كێ و ب رێیا زانكۆ و مزگه‌فت و قوتابخانه‌یان و جهێن گشتی خه‌لكی هشیار کەین.
