ب پێنچ یاریزانێن كورد لاوێن ئیراقێ به‌رهه‌ڤیان دكه‌ت
ئه‌ڤرۆ، قه‌یس وه‌یس:
خوه به‌رهه‌ڤكرن بۆ قاره‌مانیا ئاسیا یا ته‌پا پێی ئه‌و بڕیاره هه‌ڤڕكیێن وێ ل ده‌ستپێكا ئادارا بهێت وه‌لاتێ ئۆزپاكستان مێڤانداریا وێ بكه‌ت، هه‌لبژارتیێ لاوێن ئیراقێ نوكه د كه‌مپێ راهێنانێ دا یه ل وه‌لاتێ توركیا ب پشكداریا پێنچ یاریزانێن كورد بۆ ژیێ كێمتر21 سالی.
د لیسته‌یا هاتیه په‌سه‌ندكرن پێنچ یاریزانێن كورد بڤی ره‌نگی ل گه‌ل پێكهاتیێ هه‌لبژارتیێ ئیراقێ نه ئه‌و ژی، عومران زه‌كی ژ یانه‌یا زاخۆ، موسته‌فا قابل و عه‌بدولقادر ئه‌یۆب ژ یانه‌یا هه‌ولێر، ئیسماعیل ئه‌حمه‌د ژ یانه‌یا نه‌وروز، هه‌روه‌سان كوڕێ پارێزگه‌ها دهۆكێ و ره‌ڤه‌ندا كورد ل ئۆرۆپا و یانه‌یا گرافشاب یا هۆله‌ندی بلند ئازاد ژی ل گه‌ل دایه.
بۆ زانین هه‌لبژارتیێ ئیراقێ دێ چه‌ند یاریێن هه‌ڤالینی ل گه‌ل هه‌لبژارتیێن تاچاكستان، قیرغستان و ئۆردن ئه‌نجامبده‌ت به‌ری ب كه‌ڤینه د ناڤ هه‌ڤڕكیێن قاره‌مانیا ئاسیا دا و هه‌مبه‌ری هه‌لبژارتیێن، ئۆزپاكستان، سۆریا و ئه‌ندونیسا بیت، ل دووڤ دیرۆكا قاره‌مانیێ هه‌لبژارتیێ ئیراقێ شیایه پێنچ جاران ناسناڤی ب ده‌ستخوه‌ڤه بینت ئه‌وا هه‌لبژارتیێ كوریا باشۆر شیایی 10 جاران ب ناسناڤی بهێته خه‌لاتكرن.
