ب چاڤدێریا سەرۆك بارزانی دێ كۆنفرانسەكێ زانستی ل زاخۆ هێتە ئەنجامدان
زاخۆ، دلۆڤان هالۆ:
ل زانكۆیا زاخۆ ب چاڤدێریا سەرۆك بارزانی ل مەها گولانێ یا ئەڤ سالە ئێكەمین كۆنفرانسێ زانستی یێ نێڤدەولەتی ل ژێر ناڤێ (ئالۆدەبوون ب مادەیێن هۆشبەر و كارتێكرن ل سەر جڤاكی ئەگەر و دەرئەنجام و چارەسەریێن ستراتیژی) دێ هێتە ئەنجامدان.
مژارێن كۆنفڕانسی دێ ڤان بابەتان ب خوەڤە گرن، وەكو: ڕەوشا ئالۆدەبوونا ب مادەیێن هۆشبەر ژ لایێ دیرۆكی و ساخلەمی و دەروونی و جڤاكی و ئابووری و پەروەردەیی و یاسایی ڤە، ئاستێ بەلاڤبوونا مادەیێن هۆشبەر د ناڤ جڤاكی دا، هەر دیسا ئەگەر و پالدەرێن سەرەكی یێن ئالۆدەبوون ب مادەیێن هۆشبەر، كارتێكرنا مادەیێن هۆشبەر ل سەر تاك و جڤاكی، ڤەدیتنا ڕێك و شێوازێن سەردەم بۆ سەرەدەریكرن ل گەل ئالۆدەبوویان و هشیاركرنا تاكێن جڤاكی.
دیسا زێدەباری ڤەكۆلەرێن ناڤخۆیی، چەندین بسپۆرێن بیانی ب ڕێكا پێشكێشكرنا ڤەكۆلینان و نیشادانا ئەزموونا وەلاتێن خوە د ڤی كۆنفرانسی دا دێ پشكدار بن.
