ب ژیراتی حەز ژ ھەڤژینێ خوە بکە
ئه‌ڤرۆ نيوز:
دەمێ کچ شوو دکەت خەما وێ ژ ھەمیان مەزنتر ئەوە بگەھیتە دلێ ھەڤژینێ خوە و داگیر بکەت. ئێک وەسا دبینیت کو مەعیدە رێیە بۆ ڤێ چەندێ لەوما ب شەڤ و رۆژ کار دکەت دا خۆشترین خوارن بۆ چێکەت، و ل گەل زەلامێ تژی مێرانی ھندەک ژن دوپات دکەن کو رێیا گەھشتنا دلێ وی ھەڤبەندیا سیکسی یە.
زانایێن دەروونی دیار دکەن کو شاشیا ئێکێ و یا ژ ھەمیان مەزنتر ئەوە ژن مێیاتیا خوە بکاربینیت بۆ پیڤانا رەوشت و ھزرێن ھەڤژینێ خوە سەرەرای ھەبوونا جوداھیێن مەزن د ناڤبەرا وان دا. بۆ نموونە ژن رۆژانە ٧٠٠٠ پەیڤان دئاخڤیت، بەلێ زەلام ب تێکرایا تێکبزڤینی و رەنگڤەدانێ د ئاخڤیت، ھەکە زەلامی ژبیرکر ھەڤالێ خوە داخواز کەتە ئاھەنگەکێ یان مێھڤانداریەکێ دلێ ھەڤالێ وی نامینیت و دێ ھەر مینیت ھەڤال بەرۆڤاژی وێ یا د ناڤبەرا ژنان دا چێدبیت.
ژیراتیا تە یا تایبەت: د دۆزا “ئەڤینیا ب ژیراتی” دا شیرەتکارەکا ھەڤبەندیێن ھەڤژینی دیار کر کو ئاریشێن ھەڤژینان یێن دروست رووددەن دەمێ ژن و مێر رێ ددەن کو ھزرێن جڤاکی یێن بەربەلاڤ کونترۆلێ ل سەر پێشبینیێن وان دکەن بۆ ھەلبژارتنا ھەڤپشکێ ژیانێ، کو گەلەک جاران شیرەت ل کچان دھێنە کرن کو دڤێت بزان زەلامان پێدڤیێن زەلامینی و رەفتارێن تایبەت یێن ھەین و ب چو رەنگان ناھێنە گوھارتن.
پێنگاڤ بۆ ڤەکرنا پاسووردێ نھێنیێن زەلامی:
ئێک: ئێک سەمت: ھەکە زەلامی تشتەک ب تمامی گرت ھەمی تشتێن دی پاشڤە دزڤرن و بلەز بەرزە دبن، ژ بلی دانێن خوارنێ یێن رۆتینی کو د ڤی حالەتی دا گوە لێ نابیت کو ھەڤژینا وی چو پەیڤان بێژیت و ھزر ناکەت ھەڤبەندیێ پێ بکەت یان دەمەکی تەرخان بکەت بۆ بۆراندنا شەڤبێریەکێ ل گەل وێ، ئەڤ چەندە ھەستێن وی ژ دەوروبەرێن جودا دکەت.
رۆلێ تە: دڤێت تو بزانی کو دەمێ گونجای ئالاڤەکێ سەرەکیە، خوە شێت نەکە ھەکە تو ل رێزا ئێکێ یا لیستا ھەڤژینێ خوە نەھێی.
دو: ئارەزوویا چارەکرنا ئاریشان: زەلام ب شێوەکێ گشتی ھزر دکەن کو وان گەلەک تشتێن ھەین پێشکێش بکەن، ئەڤە ژی وەدکەت کو ھندەک زەلام خوە نێزیکێ ژنێن ب ھێز ناکەن ئەوێن پێدڤی ھاریکاریێ نەبن.
رۆلێ تە: دەم بۆ دەمی پێدڤیێن خوە بۆ زەلامێ خوە راگەھینە بلا تو د کارێن خوەدا یا سەرکەفتی بی، وێ ھەستێ بۆ چێکە کو تو نە ھند یا پێدڤی زەلامەکی تە قورتال بکەت ھندی تو پێدڤی ھەڤپشکەکێ ژیانێ یێ پێگیر و رۆمانسی.
سێ: ڤیانا رکمانیێ: ساخلەتا ململانێ ل نک وان ژ ماچ و ھەمبێزکرنان گرنگترە، ب ڤێ چەندێ زەلامینی و کونترۆل و مێرانیا خوە بەرامبەر رکمانیان دوپات دکەن، بزانە کو زەلام حەز دکەن تشتی ب زەحمەت و خوھا ئەنیێ بدەستڤە بینن.
رۆلێ تە: دڤێت تو وی ھان بدەی بۆ پێنگاڤێن کارا، وێ ھزرێ بۆ چێنەکە کو وی کونترۆلا ھزر و دلێن تە ب تمامی یا کری دا بەردەوام پویتە ب تە بکەت.
چار: پێدڤیا وی ب بەرچاڤ وەرگرتنا تە: ئەو پێدڤی ب قەبوولکرنا تەیە، بلا ھەست پێبکەت کو تو شانازیێ ب کارێ وی دکەی و تو ب سەروسیمایێ وی یا داخباری.
رۆلێ تە: دڤێت تو پێدڤیێن وی ئاشکرا و دەستنیشان بکەی، و دوپات بکەی کو ئەو پێدڤی د ساخلەم و راستن، پاشی پێدڤیە تو بۆ بجھبینی.
پێنج: قەبولکرنا سیکسی: بابەتی گرنگیەکا ھەی ھەتا وی رادەی ھندەک ژن وەسا د خوە دئیننە دەر کو ئەو تێربوون دا ھەستێن زەلامی بریندار نەکەن.
رۆلێ تە: ڤێ خالێ بکە ھوویا خوە بۆ ب ھێزکرنا ھەڤبەندیا خوە ل گەل زەلامی.
شەش: فایدە ل بەراھیێ: زەلام بەردەوام پێدڤی ب ھاندانا دەروونی و پاداشتان ھەی، دا ئەوا وی کری دوبارە بکەت و بەردەوام پویتەی ب تە بدەت.
رۆلێ تە: ھەر تشتێ تە ھەی بدە زەلامی ب شێوەکێ کو ل دووڤ رێیا ھزرکرنا وی بیت، ھەکە دیت یێ پاداشتێ بۆ ھندەک رەفتاران وەردگریت و بۆ ھندەکان نە، دێ رەوشت و رەفتارێن خوە راست ڤەکەت.
حەفت: کریار و نە گۆتن: پرانیا زەلامان ئارمانج و حەزێن ھەین د ژیانێ دا بدەستڤە دئینن، گرنگیێن وان ژ یێن ژنان د جودا نە، یا زەلامان ھەلویست و کریارن و نە ب تنێ پەیڤن.
رۆلێ تە: ب ئاشکرایی دەربڕینێ ژ وی تشتی بکە یێ تە دڤێت، ھەکە پێدڤیا تە یا گرنگ بیت ئێکسەر بێژێ، چونکو دووماھیک تشتێ زەلام دکەت دشێت دەربڕینا دێمێ تە بخوینیت.
ھەشت: مێژوویا ئەرێنی و نەرێنی: ھەر زەلامەکی کارێن گرنگ و ترس و حەساسی و حەز و پێدڤیێن ھەین کو ھەمی گرێدای ب شوونوارێن ھەڤبەندیا کەڤنن، تێدا سەرنەکەفتیە و بۆ کەسێ نابێژیت، دڤێت ژن بزانیت بۆ ھەلسەنگاندنا وی رۆلی یێ ئەو خال د ھەڤبەندیا وان دا دگێرن.
رۆلێ تە: بزانە کو پێدڤیێن زەلامی ب رێیا ڤان رەگەزان دھێنە دابینکرن، ھەکە تە ئەو حەز ب شێوەکێ ساخلەم تێرکرن تو دێ مەزنتر لێ ھێی ل نک وی.
نەە: قوتابیەکێ نە شارەزا: زەلامان ئەو شیان نینن د ھەستان بگەھن، ھەکە بۆ وان بزەحمەت کەت ژی دێ ژێ پشتەرێ بن و حەز دکەن وان تشتان بکەن یێن ئەو دزانن، لەورا زەلام قوتابیەکێ نەشارەزایە و دڤێن بەردەوام بھێتە مەشقدان دا ب ڤی بابەتی زیرەک بیت.
رۆلێ تە: وەبکە ھەڤژینێ تە ھەڤبەندیا کریارێن و رەنگڤەدانا تە بزانیت، دا پێنگاڤەکێ بۆ پێشڤە بچیت، ئەڤە بێی تو بێزاریێ ل سەر دەربڕینا دێمێ و لێڤ و لمتۆرێن خوە دیار بکەی.
