ب ڤيديۆ: ده‌مێ روودانا شه‌رێ د ناڤا په‌رله‌مانێ كوردستانێ دا
ئه‌ڤرۆ نيوز:
ژ به‌ر شه‌ره‌ده‌ڤه‌كى د ناڤا په‌رله‌مانێ كوردستانێ دا، روونشتنا په‌رله‌مانى بۆ ماوه‌كى هاته پاشختسن و بڕياره نوكه به‌رده‌وامى پێ بهێته دان و ئاخفتنكه‌رێ ب ناڤێ فراكسيۆنا زه‌ر ژى د ناڤا په‌رله‌مانى دا ديار دكه‌ت كو ئه‌و وه‌كو پارتى ل هه‌مبه‌ر ڤێ چه‌ندێ د نه‌ره‌حه‌تن.
محه‌مه‌د عه‌لى ياسين، ئاخفتنكه‌رێ ب ناڤێ قراكسيۆنا پارتى ديموكراتى كوردستان د ناڤا په‌رله‌مانێ كوردستانێ دا بۆ ئه‌ڤرۆ نيوز گۆت: “ل ده‌مێ چوونه ژوورا هۆلا په‌رله‌مانێ كوردستانێ شه‌ره‌ده‌ڤه‌ك بوو د ناڤبه‌را كاك نازم كه‌بير هه‌ركى و عه‌لى حه‌مه سالح و پاشان ژى كاك مه‌ردان ژى يێ هاتى، پاشان ژى كاك مه‌ردان بۆكسه‌ك يا ل ده‌ڤێ وى دايى”.
ئاخفتنكه‌رێ ب ناڤێ قراكسيۆنا پارتى ديموكراتى كوردستان د ناڤا په‌رله‌مانێ كوردستانێ دا زێده‌تر گۆت: “وه‌كو فراكسيۆنا پارتى ئه‌م د نه‌ره‌حه‌تين و تشته‌ك بوو ب دلێ مه نه‌بوو و ل گه‌ل وێ چه‌ندێ نه‌بووين، د وێ باوه‌رێ داينه كو سه‌رۆكێ هه‌رێما كوردستانێ ژى ئه‌ڤ چه‌نده پێ نه‌خۆشه”.
دا زانين ژى كو نوكه كۆمبوونا سه‌رۆك فراكسيۆنان يا به‌رده‌وامه و گۆت: “دێ به‌رده‌وامێ ژى ده‌ينه روونشتنا خوه يا ئه‌ڤرۆ يا په‌رله‌مانێ كوردستانێ”.
نه‌ڤه‌شارت ژى كو ئه‌ڤ كارێن ژ ڤى ره‌نگى جارنا ل ناڤا هۆلێن په‌رله‌مانێن هه‌موو دونيايێ روو دده‌ن و گۆتژى: “مه پێ نه‌خۆش بوو، دێ سه‌ره‌ده‌ريێ ل گه‌ل كاودانان كه‌ين، ئه‌م وه‌كو فراكسيۆنا پارتى دێ بزاڤێ كه‌ين ره‌وشێ ئارام بكه‌ين”.
زۆزان سادق تروانشى ئه‌نداما په‌رله‌مانێ كوردستانێ ل سه‌ر فراكسيۆنا زه‌ر بۆ ئه‌ڤرۆ نيوز گۆت: “روونشتنا وان به‌رده‌وامى دانه ب دانوستاندنێ ل سه‌ر پرۆژێ سندوقا داهاتێن په‌ترۆل و گازێ ل هه‌رێما كوردستانێ و ده‌نگدان ل سه‌ر باوه‌رى دان ب سووند خوارنا وه‌زيرێ هه‌رێمێ بۆ كاروبارێن كوچ و كۆچبه‌ران، غازى سه‌عيد سلێمان”.
زۆزان خانێ ئاماژه ب وێ چه‌ندێ ژى كر پرۆژێ سندوقا داهاتێن په‌ترۆل و گازێ ل هه‌رێما كوردستانێ ژ 16 ماده و شه‌ش پشكان پێك دهێت و هه‌تا نوكه چار پشك و حه‌فت ماده هاتينه په‌سه‌ند كرن و گۆت: “ئه‌و مادێن هاتينه په‌سه‌ندكرن ئه‌ون يێن پتر هه‌ڤركى ل سه‌ر هه‌ين”.
ژێده‌ر: KNN
