ب ڤيديۆ: رۆما سه‌ركه‌فتن ل سه‌ر پۆرتۆ تۆماركر
ئه‌ڤرۆ نيوز:
شڤێدى جاره‌كا دى روح هاته ياريگه‌هێن ئورۆپا ب ده‌سپێكرنا ياريێن شامپيۆن ليگ و د ئێك ژ ياريێن چوونێ دا، يانا رۆما يا ئيتالى مێڤانداريا يانا پۆرتۆ يا پرتۆگالى كر.
سه‌ره‌راى بزاڤێن به‌رده‌وام يێن يانا رۆما د نيڤا ئێكێ دا، به‌لێ چو پێڤه نه‌هات و ئه‌و نيڤ بێ گۆل ب دووماهى هات و د نڤيا دويێ دا، بزاڤێن وێ رێكوپێكتر لێ هاتن، ئه‌ڤێ ژى ئه‌نجام هه‌بوو ده‌ما ل ده‌قيقا 70ێ ياريكه‌رێ وێ يێ گه‌نج نيكۆلۆ زانێولۆ گۆلا ئێكێ بۆ يانا خوه تۆماركر و پاشان ژى پشتى بۆرينا سێ ده‌قيقان ڤه‌گه‌ريا و گۆلا دويێ ژى تۆمار كر، به‌لێ ئه‌ڤێ كه‌يفا گۆرگێن پايته‌ختى هند ڤه‌نه‌كێشا ده‌ما ل ده‌قيقا 79ێ ياريكه‌رێ پۆرتۆ ئه‌دريان لۆپێز گۆلا ئێكانه يا تيما خوه تۆمار كر و يارى ب ئه‌نجامێ دو گۆلان به‌رامبه‌ر گۆله‌كێ د به‌رژه‌وه‌ندا رۆما دا ب دووماهى هات.
بڕياره ئه‌ڤرۆ ژى دو ياريێن دى ژ ڤێ قاره‌مانيێ بهێنه كرن، تێدا يانا تۆتنهام دێ مێڤانداريا يانا دورتمۆند كه‌ت و يانا ئه‌ياكس دێ مێڤانداريا يانا ريال مه‌دريد كه‌ت.
