ب ڤیدیو: نڤێژا هه‌یڤ غه‌یرینێ ل ناحیا شێلادزێ
ئه‌ڤرۆ نیوز، نه‌وزاد هلۆرى:
هه‌یڤ غه‌یرین ئێكه ژ وان دیارده‌یێن سرۆشتى كو ئه‌ڤ شه‌ڤه ل پرانیا وه‌لاتێن جیهانێ هاته دیتن، و كوردستان ژى ئێك بوو ژ وان وه‌لاتێن كو هه‌یڤ غه‌یرین ب ته‌مامى هاتیه دیتن، ،هه‌ر چه‌نده ئه‌ڤ یه‌ك دیارده‌یه‌كا زانستى یه د هه‌مان ده‌م دا په‌یوه‌نیه‌كا بهێز ب ئاینى ڤه ، هه‌یه ، بو ڤێ مه‌ره‌مێ ل سه‌نته‌رێ ناحیا شێلادزێ و ل مزگه‌فتا كوكه‌ر نڤێژا هه‌یڤ غه‌یرینێ هاته‌كرن و چه‌ندین دوعا و سه‌لاوان هاتنه‌كرن.
مه‌لا عابد بێزه‌لى گوتار خوینێ مزگه‌فتا كوكه‌ر ل سه‌نته‌رێ ناحیا شێلادزێ بۆ ئه‌ڤرۆ نیوز گۆت: (ئه‌ڤ شه‌ڤه مه وه‌كو خه‌لكێ شێلادزێ به‌رامبه‌ر روودانا هه‌یڤ غه‌یرینێ نڤێژا هه‌یڤ غه‌یرینێ ئه‌نجام دا و پاشان ده‌ست ب سه‌له‌وات و ته‌كبیراتان كر، و دخوازین كو خودایێ مه‌زن ئه‌ڤێ دیاردێ لسه‌ر مه راكه‌ت بێ به‌لا و موسیبه‌ت)
زێده‌تر گۆت: (هه‌ر چه‌نده هه‌یڤ غه‌یرین دیارده‌یه‌كا زانستى یه ،به‌لێ په‌یوه‌ندیه‌كا باش ل گه‌ل ئاینى هه‌یه و ل سه‌رده‌مێ پێغه‌مبه‌رى و به‌رى پێغه‌مبه‌رى ژى روودایه، و پێغه‌مبه‌رى دایه دیاركرن كو چوو په‌یوه‌ندى ب مرن و ژینا كه‌سه‌كێ ڤه نینه ، و پێغه‌مبه‌رى ده‌ما كو هه‌یڤ یان رۆژ غه‌ریرى بایه ، دا نڤێژى َكه‌ت و سه‌له‌واتان ده‌ت و ته‌كبیراتان خونت هه‌تاكو ئه‌ڤ یه‌ك دوماهى دهات)
ب گوره‌ى ئاخفتنێن ناڤبرى گرنگه د ده‌ما هه‌یڤ و رۆژ غه‌یرینێ دا سه‌ده‌قه ل گه‌ل هه‌ژار و به‌لنگازان بهێنه‌كرن.