ب ڤیدیۆ: بۆ جارا ئێكێ كاميره ل جهێ خوديكا ترۆمبێلێ دهێته دانان
ئەڤرۆ نیوز، نەوزاد ھلۆری:
چەند سالێن بوری د ھەند پێشانگەھەکێن ترومبێلان ل جیھانێ، ھژمارەکا ترومبێلان ھاتينە دیتن کو چەند نموونەیێن (کونسپێت) ل سەر ھاتنە دیتن، شوونا خودیکا ترۆمبێلێ کامیرە ھاتبوو بکارئینان، بۆ جارا ئێكێ ژی کومپانیا لێگزز ئەڤ تایبەتمەندیە ل سەر ترومبێلێن خوە یێن بازرگانی بکارئینا.
کۆمپانیا لێگزز (Lexus) دیارکر کو مودیلا 2019 یا Lexus ES ل شوونا خودیکا ئاسایی دێ کامیرێ بکارئینیت، ئەڤ گورانکاریە ژی ل چەند سالێن داھاتی دێ د ھەموو ترومبێلێن کومپانیێ دا ھێتە بکارئینان.
کومپانیێ ئاماژە ب وێ یەکێ کریە کو بکارھێنەرێن کامیرێ د چەند روویەکان دا مفایێن وێ بۆ شوفێر و نەفەرێن وێ دزڤرینیت، ئەڤە زێدەباری کو دینامويه‌کا ھەوایی بلند دکەت و ب ڤێ یەکێ تێچوویێن پانزین و دەنگێ بايی ژی ل دەما ھاژۆتنێ کێمتر دکەت.
گرنگترین مفایێن کامیرێ ل شوونا خودیکێ
- دیناموکێ بلند دکەت، ئەڤ یەک ژی دبیتە سەدەم کو تێچویێن پانزین و دەنگێ ھەوایی ل دەما ھاژوتنا ترومبێلێ کێم بکەت.
– بوارێ دیتنێ بەرفرەھتر دکەت ، دەڤەرا کورە ل سفرێ نێزیک دکەت، و شوفێر ژێریا ترومبێلێ ب ساناھی دبینیت.
– قەبارێ وێ بچوکترە و ب ھێزترە ژی.
– دیتنێ ل دەما گورانکاریێن کەش و ھەوایی دا مینا بەفر و بارانێ و مژێ دا باشتر دکەت.
-دشیاندایە ھژمارەکا زور یا ئوپشنان ل سەر بھێنە زێدەکرن بو باشترکرن و گونجاندنا دیتنێ.
– ل دەما شکەستنێ یان تێکچۆنێ یان ژی سوتانێ تێچویێن وێ زێدەترن ژ خودیکا ئاسایی کو ئەڤ یەک ژی ب خالەکا نەرێنیا وێ دھێتە ھژمارتن.