ب ڤیدیۆ: دخوازیت گەنجێن کوردان خوە فێری ژەنینا ئامیرێن مۆزیکێ بکەن
ئەڤرۆ نیوز، رێوار مزیری:
هونەرمەندێ باکوورێ کوردستانێ ئوکتای کۆناک د دیداراکێ دا بۆ ئەڤرۆ نیوز ئاشکرا کر کو بۆ دەمێ 17 سالانە ئەو ئامیرێن مۆزیکێ د ژەنیت و بەر حەفت سالان دەست ب گۆتنا سترانان ژی کریە، لێ کارێ مۆزیکێ بۆ وی ژ یێ سترانگۆتنێ خوەشترە و گۆت: من باوەرناما ماستەرێ ب مۆزیکێ ئینایە و مامۆستایێ مۆزیکێ بووم ل وەلاتێ تورکیا و هەتا نوکە ئەز 21 ئامیرێن مۆزیکێ ب شێوەیەکێ گەلەک باش د ژەنم و د خوازم هەموو گەنجێن کوردان ژی خوە فێری ژەنینا ئامیرێن مۆزیکێ بکەن، بەلێ مخابن هەتا نوکە چو ناڤەندێن تایبەت ب خواندنا مۆزیکێ ڤە ل هەرێما کوردستانێ و ب تایبەت ل باژێرێ دهۆکێ داخواز ژ من نەکریە وانێن مۆزیکێ بێژم یان خۆلێن مۆزیکێ ڤەکەم.
ناڤهاتی ئاماژە دا وێ چەندێ کو هەتا نوکە وی 15 سترانێن تۆمارکری هەنە ژ پەیڤ و ئاواز و مۆزیکا وی ب خوە نە کو ب زمانێن کوردی و تورکی گۆتینە، سەرەرایی ڤێ چەندێ چەندین سترانێن دوقۆلی ژی هەنە، بەلێ نوکە بەهرا پتر ئەو سترانێن هۆنەرمەند (حەسەن شەریف)ی دبێژیت.
