ب ڤیدیۆ: كێم ئه‌ندامه‌ك ب ڤى ره‌نگى خوه ب خودان دكه‌ت
ئەڤرۆ نیوز، نەوزاد ھلۆری:
میقداد ل گەل دو خوشک و برایێن خوە د زکماک دا کێم ئەندامبووينە، خێرخوازەکێ ب کرینا ماتورەکێ هاريكاريا وى کر، ئەوی ژی ب رێیا ماتورێ کارتێن موبایلا د فروتن و داھاتەک بۆ خوە و خووشک و برایێن خوە یێن کێم ئەندام پەیدا دکر، بەلێ تێکچوونا ماتورا وی بوویە سەدەم کو ئەو کارێ خوە ژ دەست بدەت و جارەکا دی کێم ئەندام ئەندام ببیت ڤە.
میقداد مەسیح بو ئەڤرۆ نیوز گۆت: (دزکماکدا ئەز ل گەل دوو خوشکێن خوە کێم ئەندام بوینە ، ژبەرکو رەوشا دارایی یا مە یا نەخوش بو و من باب ژی نەبوو ، خێرخوازەکێ ماتورەک شونا عەرەبانا ھاتنوچۆنێ بو من کری و ب رێیا وێ من کارت بخوە د فروتن و داھاتەک بو خوە و مالا خوە پەیدادکر و ھاتنوچۆن ژی پێ دکر، بەلێ نھا تێکچویە و نکارم نەھاتنوچۆنێ بکەم نەژی کارتان بفروشم و دڤێت کەسەک ھەبیت ماتورا من پالدەت ھەتاکو بچیت).
ھاولاتیەکێ شێلادزێ بناڤێ ئەحمەد شامکی وەکو ئەرکەکێ مرۆڤایەتی رابویە ب ھەوەکا کومکرنا ھاریکاریان بو میقدادی داکو جارەکا دی ب کرینا ماتورەکێ ھەند کارێ وی بو بزڤرین ڤە و ھەند ژی ئەوی دلخوش بکەت کو وەکو ھەر کەسەکێ مفای ژ ھاتنوچونێ وەربگریت.
ئەحمەد شامکی بۆ ئەڤرۆ نیوز گۆت: (ماوەیێ سێ سالایە خێرخوازەکێ ماتور و عەرەبانەکا کارەبایی بو میقداد کریە و ئەوی ھاتنوچۆن پێ دکر و کارت ژی بخوە د فروتن بەلێ نھا ماتورا وی خراپ بوویە و نکاریت ھاتنوچۆونێ بکەت و کارتان ژی بفروشیت ، و مە ھەوەکا کومکرنا ھاریکاریان ل شێلادزێ و دەروبەران دەست پێ کریە و سوپاس بو خودێ ھندەک پارە ھاتینەکومکرن و داخوازێ ل وەلاتیان و زەنگینان دکەین کو ھارریکاربن ل گەل مە داکو بکارین ماتور وعەرەبانەکا دن بو بکرین کو ئەو ژی ب بھایێ نێزیکێ ھزار و 200 دولارایە).
زێدەتر گۆت: (میقدادی دمالا خودا خوشک و برایەکێن دن ژی یێن کێم ئەندام ھەنە و دخێزانەک ھەژار و ئێتیم دایە و چوو موچە دمالا خوە دا نینن ژبلی موچێ کێم ئەندامیێ کو ئەو ژی زور کێمە و گەلەک ژی گیرودبیت و تێرا وان ناکەت و نھا میقداد دوو جاران کێم ئەندامە ، جارەکێ نکاریت ھاتنوچۆنێ بکەت و جارەکێ ژی ماتورا وی خراپ بوویە).
