ب ڤیدیۆ: محسن بەندی داخوازەکێ ژ سترانبێژان دکەت
ئەڤرۆ نیوز، رێوار مزیری:
سترانبێژ محسن بەندی بۆ ئەڤرۆ نیوز دیار کر کو ئەو نوکە مژوولی تۆمارکرنا چار سترانێن نوو یە و گۆت: “نوکە ئەڤ سترانە د قووناغا مۆزیکێ دانە ل ستودیۆیا زەمان ل زاخۆ و هەر دەمێ ژ تۆمارکرنێ ب دووماهی هاتن من لبەرە کلیپ ژی بکەم”.
ناڤهاتی ئاماژە دا وێ چەندێ کو هەر ژ دەستپێکا وی یا کارێ هونەری و هەتا نوکە ئەو پەشیمانی چو کارێن خوە یێن هونەری نەبوویە و گۆت: “ئەز داخوازێ ژ هەموو سترانبێژێن کورد دکەم سترانا کوردی بێ بها نەکەن و بابەتێن دووری جڤاکێ مە نەکەنە ستران و بێژن، چونکی مخابن نوکە هندەک سترانبێژ هەنە خوە سترانان ب یاریا پوبجی و یانا بەرشەلونە و هتد… دبێژن”.
