ب ڤیدیۆ .. هاتنوچوونا پشکەک ژ وەلاتیێن شێلادزێ ژ داڤەرستێ بوویە چوپە
ئەڤرۆ نیوز، نەوزاد هلوری:
ژبەر خرابی و دووراتیا هەردو رێیێن پرێن هاریکێ و زێبارێ کو دکەڤنە سنوورێ هەردو ناحیێن شێلادزێ و دێرەلوکێ، وەلاتیان پەنا بۆ چێکرنا داڤەرستان بربوو، بەلێ ل شوونا جهێن شولەژێ داڤەرستان بکەن پر داکو وەلاتی ب ساناهیتر هاتنوچوونێ بکەن، داڤەرست ژی ژ وەلاتیان قەدەغەکریە، نوکە پشکەک ژ وەلاتیان ب نەچاری بۆ دەربازبوون ژ رووبارێ زێ مەزن پەنابریە بەر بکارئینانا چوپان. وەلاتی د دەن دیارکرن کو ژبلی مەترسیێ ل سەر گیانێ وان، هەڤدەم چوپە رێیەکا دەمکی یە و ل گەل هاتنا وەرزێ زڤستانێ چوپە ژی ناهێتە بکارئینان، ئەو دخوازن جهێن شولەژێ رێیێن وان قێر بکەن و پرا ژی درۆست بکەن.