ب ڤیدیۆ – هاڤینگه‌هه‌كا ڤه‌شارتى ل دێره‌لوكێ
ئه‌ڤرۆنيوز، نه‌وزاد هلۆرى
هاڤینگه‌هـ و سیلاڤێن (گوندێ خرابینێ) كو د كه‌ڤیته ده‌ڤه‌را زێبارێ ل سنوورێ ناحیا دێره‌لوك ئێكه ژ خوشترین هاڤینگه‌هێن پارێزگه‌ها دهۆك و قه‌زا ئامێدیێ ، و چه‌ندین سیلاڤ و سیبه‌ر و سرۆشت و به‌ر و دیمه‌نێن جوان و سه‌رنجراكێش هه‌نه، بویه سه‌ده‌م كو ده‌هان گه‌شتیار قه‌ست بكه‌نێ، به‌لێ نه‌بوونا خزمه‌تگوازى ژلایێ حوكمه‌ت و خودانێن جهى بویه سه‌ده‌م كو چوو گرنگى ب هاڤینگه‌ها ناڤبرى نه‌هێته‌دان.
سه‌ردار هێتوتى، وه‌كو شاره‌زایه‌كێ ئابوورى دیاركر كو هاڤینگه‌هـ و سیلاڤێن گوندێ خرابینێ ل دێره‌لووك ، ئێكه ژ خوشترین جهێن گه‌شتوگۆزارى ل سنوورێ قه‌زا ئامێدیێ و پارێزگه‌ها دهۆك و بۆ ئه‌ڤرۆ نیوز گۆت: (ئه‌گه‌ر حوكمه‌ت و لایه‌نێن شوله‌ژێ خزمه‌تگوزاریێن مینا رێیه‌كا گونجاى و كاره‌ب و كه‌پرێن گه‌شتوگۆزارى بو خرابینێ درۆست بكه‌ن دێ هژماره‌كا زور یا كه‌سان بنه خودانكار ، و هژماره‌كا ئێكجار زور یا گه‌شتیاران قه‌ستا ده‌ڤه‌رێ كه‌ن و زێده‌بارى كو دێ خودانێن جهى مفاداربن دهه‌مان ده‌م دا دێ بازارێن ده‌ڤه‌رێ ژى مفاداربن)
زێده‌تر گۆت: (هاڤینگه‌ه و سیلاڤێن خرابینێ جهێ ده‌هان كه‌پرێك گه‌شتوگۆزارى هه‌یه و دیمه‌نێن وێ یێن سرۆشتى بویه سه‌ده‌م كو سه‌رنجرا گه‌شتیار و خه‌لكى رابكێشیت، و سیمایه‌كێ جوان دایه ده‌ڤه‌رێ و دكه‌ڤیته جهه‌كێ گه‌له‌ك خوش و سه‌رنجراكێش، به‌لێ هه‌تا نها ڤه‌شارتى مایه).
