ب ڤی رەنگی خوە ژ ئاریشێن پیستی قورتال بکە
ئەڤرۆ نیوز:
گەلەک ژن د دەمێن جودا دا تووشی ئاریشێن پیستی دبن، ژ پرسکێن گەنجان ھەتا پنیان و راڤان، سەرەرای کو ھندەک ژ وان ئاریشان د دومدرێژن، بەلێ چارەسەری بۆ ھەموو تشتەکی یا ھەی.
ئەڤە ھندەک رێیێن خوەرستی نە بۆ خوە قورتال کرنێ ژ ئاریشێن پیستی:
کریمێ خوەپاراستنا ژ تیشکا رۆژێ بکاربینە: بکارئینانا ڤی کریمی ب ئاوایەکێ رێکخستی ل سەر دێمی دەمێ ژ مال دەردکەڤی، ئاریشێن پیستی کێم دکەت.
ئاڤا گولان و ھیرکێ دارا سپیندارێ: تێکھەلکرنا ئاڤا گولان و ھیرکێ دارا سپیندارێ ئاریشێن پیستی چارە دکەت.
ئاڤا گۆلان و نیمۆکان: ھندی ئێک تێکھەل بکە و پاشی ھیرکێ دارا سپیندارێ بکە ناڤ ھەتا دبیتە ھەڤییر، پاشی دانە سەر دێمێ خوە بۆ دەمێ 15 دەقیقان و پاشی ب ئاڤێ بشۆ.
پرتەقال و باھیڤ: تیڤلێ پرتەقالێ یێ ھشکری ل گەل ھیرکێ کاکل باھیڤان تێکھەل بکە، ھەتا دبیتە ھەڤپیر و دانە سەر دێمێ خوە بۆ دەمێ 30 – 60 چرکان و پاشی ب ئاڤێ بشۆ.
پتات: نشا ناھێلیت پنی بکەڤنە دێمێ، پتاتەکێ بگڤێشە ، ئاڤا وێ بکە سەر پامبیەکی و دێمێ خوە پێ ڤەمالە، 15 دەقیقان بھێلە و پاشی بشۆ.
تیڤلێ مۆزێ: مۆزەکا گەھشتی بینە و تیڤلێ وێ د دێمێ خوە بدە و بۆ دەمێ 10 دەقیقان بھێلە، ھەتا تیڤل قەھوائی دبیت، پاشی دێمێ خوە بشۆ.
