ب ڤێ رێیا بێ به‌رانبه‌ر ئنتەرنێتا ئیلۆن ماسك ل سه‌ر مۆبایلا خوه كارا بكه
ته‌كنۆلۆژیا:
د پێنگاڤه‌كا ژ هه‌ژی دا د وارێ په‌یوه‌ندیان دا و ب تایبه‌ت مۆبایلان دا، SpaceX وT-Mobile دانه‌یا تێست یا Starlink Direct to Cellدا كاری و د شیان دایه بكارئینه‌ر هه‌تا هه‌یڤا تیرمه‌هێ مفایی ژ ڤێ خزمه‌تێ وه‌ربگرن و ب ره‌نگه‌كێ بێ به‌رامبه‌ر. به‌لێ ئه‌ڤ خزمه‌ته ب تنێ بۆ چه‌ند جورێن مۆبایلان ل به‌ر ده‌سته. هه‌كه مۆبایلا ته ژی ئێك ژ وان جۆرێن مۆبایلایه، له‌زێ بكه و خوه د ڤێ خزمه‌تێ دا تۆمار بكه.
ژ ده‌ستپێكا تیرمه‌هێ، بكارئینه‌رێن ئامیرێن وان ل گه‌ل ڤی سیسته‌می دگۆنجن، دێ شێن مفایی ژ خزمه‌تێ بینن، هه‌تا هه‌كه د تۆڕێن ل سه‌ر روویێ ئه‌ردی دا نه‌بیت ژی. دا باشتر بزانی ل گه‌ل مه به.
Starlink Direct to Cel چیه؟
Starlink Direct to Cell تۆڕا ئه‌نترنێتێ یه ب رێیا ستێرا ده‌ستكرد Starlink و ب رێیا خزمه‌تێن SpaceX د نها دا، دێ ب رێیا نامان و په‌یوه‌ندیێ بیت ل ده‌مێن هاوارهاتنێ ل وان ده‌ڤه‌رێن ئه‌ڤ خزمه‌ته نه‌یی. د ده‌مێ تێست دا. دێ د ده‌مێ تێستێ ژی دا یا بێ به‌رامبه‌ر بیت.
دشیانێن بكارئینه‌ران دایه نامێن كورت ب هنێرن و وه‌ربگرن، ژ وان ژی خزمه‌تێن هاوارهاتنێ. بێ پێدڤی ب ئه‌نترنێتێ یان چو ئامیرێن دی ببن. د قووناغێن بهێت دا، دێ خزمه‌تێن ڤه‌گوهاستنا داتا و په‌یوه‌ندیێن ده‌نگی و نامێن وێنه و ڤیدیۆ ژی ل به‌ر ده‌ست بیت كو هه‌موو پێكڤه ب خزمه‌تیێ ڤه هاتینه گرێدان.
ل دووماهیێ ژی ئه‌ڤه ته‌كنۆلۆژیایه‌كه بۆ پڕكرنا وێ ڤالاهیا ژماره‌یی، دیسا بۆ ب ساناهی خستنا په‌یوه‌ندیان ل وان ده‌ڤه‌رێن پاشڤه‌مایی یان یێن زیان ڤێ كه‌فتی ژ به‌ر روودانێن سروشتی كو ژێرخانا ئه‌ردی نه‌یا دیاره یان زیان یا گه‌هشتیێ. به‌لێ ئه‌ڤه ژی بۆ هه‌موو مۆبایلان نابیت، ب تنێ هنده‌ك ئامیرێن ده‌ستنیشانكری نه.
ئه‌و كیش ئامیرن ل گه‌ل Starlink كار دكه‌ن؟
ب تنێ بۆ چار براندێن مۆبایلان هه‌یه په‌یوندیێ ل گه‌ل ڤێ ستێرا ده‌ستكرد بكه‌ن، ئه‌ڤه ژی ب تنێ بۆ قووناغا ده‌ستپێكێ یه.
– ئه‌پل:
ئایفون 14 و 15 و 16 ب هه‌موو زنجیرێن خوه ڤه.
– گوگل پیكسل:
هه‌موو مۆبایلێن پیكسل 9 (9، 9 پرو، 9 پرو فولد).
– موتورولا:
رازر 2024، رازر پله‌س 2024، ئیدج 2024، موتو جی پاور 5 جی 2024، جی ستایلس 2024، موتو جی 5 جی 2024.
-سامسونگ:
گالاكسی A14، A15، A16، A35، A53، A54. زنجیرا گالاكسی S21 و S22 و S23 و S24 و S25، و دیساGalaxy Z Flip 3–6 وZ Fold 3–6. Galaxy X Cover 6 Pro.
دیسا دڤێت سیسته‌مێ ڤان هه‌موو جورێن مۆبایلان دووماهی سیسته‌مێ كاركرنێ بیت، دا كو دشیان دابیت مفایی ژ ڤان خزمه‌تان وه‌ربگریت.
هه‌كه مۆبایلا زیره‌كی چو نیشانان نه‌بینیت و شیانێن دیتنا رۆناهیێ ل ئه‌سمانی هه‌بن، سیسته‌م دێ ب ره‌نگه‌كێ ئوتوماتیكی گه‌هیته Starlink و دێ ل سه‌ر سكرینا مۆبایلێ ب ناڤێ «T-Mobile SpaceX» دیاركه‌ت. پێدڤی ب چو رێكخستنا ژی ناكه‌ت، ئه‌و ب خوه دێ خوه رێك ئێخیت. تشتێ ئێكانه یێ پێدڤی دكه‌ت ئه‌وه خوه ل لینكێ تێست خوه تۆمار بكه‌یی. تۆماركرنا بێ به‌رامبه‌ر یا ل به‌ر ده‌سته بۆ دانه‌یا تێست یا كۆمپانیێ ل سه‌ر مالپه‌رێ T-Mobile.
