ب گوژمێ ملیار دیناران جۆتسایدێ بجێلێ دهێتە چێكرن
دهۆك، لەزگین جوقی:
سەرۆكێ باژێرڤانیا بجێلێ بۆ رۆژناما ئەڤرۆ دیار كر، پلانا چێكرنا جۆتسایدێ بجێلێ هەر ژ دەڤەرداریا ئاكرێ هەتا دگەهیتە سەنتەرێ ناوچەداریێ هاتیە دانان، ئەڤ پڕۆژە ب گوژمێ ملیار دیناران دێ هێتە بجهئینان.
هێمن سەلیم خان، سەرۆكێ باژێرڤانیا بجێلێ خویا كر، دەست ب چێكرنا پڕۆژەیێ جادەیان ل بجێلێ هاتیە كرن، نوكە ژی پلان هاتیە دانان بۆ چێكرنا پڕۆژەیێ جۆتسایدی هەر ژ دەڤەرداریا ئاكرێ هەتا دگەهیتە بجێلێ هەموو دێ بیتە جۆتساید ب باشترین شێوە و ستاندەرد دێ هێتە چێكرن و گۆت: «ئەڤ پڕۆژە كەفتیە د پلانا سالا بهێت دا و ب گوژمێ ملیار دیناران دێ هێتە دروستكرن».
ئاشكرا ژی كر، ئەڤ پڕۆژە ب فرەهیا 30 مەتران دێ هێتە چێكرن، د ناڤ پڕۆژەی دا داروبار و كەسكاتی و روناهی و قەنتەر و هەموو خزمەت دێ هەبن.
