ب گوژمێ پتری حەفت ملیار دۆلاران پڕۆژەیێن گەشتیاری هاتینە ئەنجامدان
هەولێر، قائید میرۆ:
پەیڤدارێ دەستەیا گەشتوگوزارێ ئاشكرا كر، ل سەر دەمێ كابینەیا نەهێ یا حوكمەتا هەرێما كوردستانێ زۆرترین پڕۆژە د وارێ گەشتوگوزارێ دا هاتینە ئەنجامدان و ب سەرمایێ حەفت ملیار و 500 ملیۆن دۆلاران وەبەرهێنان هاتیەكرن.
ئیبراهیم عەبدولمەجید، پەیڤدارێ دەستەیا گشتیا گەشتوگوزارێ بۆ رۆژناما ئەڤرۆ دیاركر، د دەمێ چار سالێن بۆری دا ب سەرمایێ حەفت ملیار و 500 ملیۆن دۆلاران پڕۆژەیێن گەشتوگوزارێ هاتینە ئەنجامدان، هەر د كابینەیا نەهێ دا رێژەیا هاتنا گەشتیاران بلندبوویە، ب تایبەتی هاتنا گەشتیارێن بیانی و گۆت: «ب بڕیارا سەرۆكێ حوكمەتا هەرێما كوردستانێ لێدانا ڤیزایێ بۆ گەشتیارێن بیانی هاتیە راكرن».
ئیبراهیم عەبدولمەجید گۆتژی: «هاتنا گەشتیارێن ناڤەراست و باشوورێ ئیراقێ بۆ جهێن گەشتیاریێن هەرێمێ گەلەك زێدەبوویە و ژێرخانا كەرتێ گەشتوگوزارێ هاتیە زەنگینكرن، ئەم گەشبینین ب دوماهی هاتنا هندەك پڕۆژەیێن گەشتیاری دێ هێشتا كەرتێ گەشتیاری بەر ب پێشڤەچیت و سال بۆ سالێ ژی دێ هاتنا گەشتیاریان زێدەبیت».
