ب گوژمێ پتر ژ حەفت ملیار دیناران پڕۆژە ل ناوچەداریا گردەسێن هاتینە بجهئینان
رەمەزان زەكەریا:
ل سنۆرێ ناوچەداریا گردەسێن ل دەڤەرداریا ئاكرێ د دەمێ پێنج سالێن بۆری دا، هەژمارەكا زۆر یا پرۆژەیان هاتینە بجهئینان و هەژمارەك ژی د قووناغا بجهئینانێ دانە.
سلێمان ئەحمەد، رێڤەبەرێ ناوچەداریا گردەسێن بۆ ئەڤرۆ گۆت: «د دەمێ پێنج سالێن بۆری دا، ب گوژمێ زێدەتر ژ حەفت ملیار و 400 ملیۆن دیناران پڕۆژەیێن خزمەتگوزاری ل سنۆرێ ناوچەداریا گردەسێن هاتینە بجهئینان».
ناڤبری گۆتژی: «گرنگترین ئەو پڕۆژەیە یێن هاتیە بجهئینان، دبیاڤێ رێك و پران و پەروەردە و كارەبایێ دا بوون».
ل دۆر بەلاڤكرنا پارچەیێن ئەردی ژی رێڤەبەرێ ناوچەداریا گردەسێن گۆت: «نوكە نێزیكی دو هزار پارچەیێن ئەردی هاتینە تەرخانكرن و ل سەر فەرمانبەران دێ هێنە بەلاڤكرن».
