ب گوژمێ چار ملیار دیناران جۆتسایدێ هێزاوا ل زاخۆ دێ هێتە بجهئینان
دهۆك، لەزگین جوقی:
سەرۆكێ باژێرڤانیا دەركارێ دیار كر، ئێك ژ مەزنترین پڕۆژەیێن خزمەتگوزاری، كو جۆتسایدێ 60 مەتری یێ هیزاوایە ب گوژمێ چار ملیار و 200 ملیۆن دیناران ل سنوورێ دەركارێ دێ هێتە بجهئینان.
عوسمان محسن، سەرۆكێ باژێرڤانیا دەركارێ بۆ رۆژناما ئەڤرۆ گۆت: «حوكمەتا هەرێما كوردستانێ گوژمێ چار ملیار و 200 ملیۆن دیناران بۆ دروستكرنا جۆتسایدێ هێزاوا یێ 60 مەتری تەرخانكرینە، نوكە پڕۆژە د قووناغا ڤەدیتن و دووماهیێ دایە، د قووناغا ئێكی دا ب درێژاهیا هزار و 300 مەتران پرۆژە دێ هێتە چێكرن».
ئاشكرا ژی كر، ئەڤ پڕۆژە گەلەكێ مەزنە دێ دەركارێ و هیزاوا و زاخۆ پێكڤە گرێدەت هەموو دێ بیتە جۆتساید، نوكە پڕۆژە د قووناغا تەندەر و دووماهیی دایە و دێ هێتە راگەهاندن و دەست بجهئینانا ڤی پڕۆژەیێ گرنگ و ستراتیژی ل دەركارێ دێ هێتە كرن.
