ب گوژمێ 40 ملیار دیناران پڕۆژهیێن خزمهتگوزاری ل زاخۆ دێ هێنه بجهئینان
دهۆك، لهزگین جوقی:
سهرپهرشتی ئێدارا سهربخوه یا زاخۆ دیار كر، دهست ب ئهنجامدانا چهندین پڕۆژهیێن جودا یێن خزمهتگوزاری ل ئیدارهیا سهربخوه یا زاخۆ ب گوژمێ پتر ژ 25 ملیار دیناران هاتیه كرن زێدهباری پڕۆژهیێن گهشهپێدانا پارێزگههان ئهو ژی ب گوژمێ 15 ملیار دیناران پڕۆژه دهێنه بجهئینان.
گوهدارشێخۆ، سهرپهرشتی ئیدارهیا سهربخوه یا زاخۆ بۆ ئهڤرۆ گۆت: “پتریا ڤان پڕۆژهیان هاتینه راگههاند و هندهك ژی بهر ب دووماهیێنه، ژ پڕۆژهیێن گرنگ یێن ل زاخۆ دهێنه چێكرن پڕۆژهیێ جادهیێن زاخۆنه نێزیكی 100 كیلۆمهتران جادده ل زاخۆ یێن دهێنه بجهئینان و پرۆژهیێ پرا دهلال ژی پڕۆژهیهكێ ستراتیژی و گهشتیاری یێ گهلهكێ گرنگه نوكه دهست بجهئینانا وی ژی هاتیه كرن، دیسا نوهكه پڕۆژه د ههمی بیاڤان دا ل دهڤهرداری و ناوچهداری و گوند و كۆمهلگههێن سهر ب زاخۆ ڤه یێن دهێنه بجهئینان”.
گۆتژی: “ئهو پرۆژهیه د بیاڤێن ئاڤ، كارهب، پهروهرده، ساخلهمی، گهشتوگوزار و رێك و پران دانه، دیسا مه گهلهك گرنگی ب زێدهكرنا رێژا كهسكاتیێ ل زاخۆ دایه، ب تایبهتی ژی چێكرن و نووژهنكرنا باغچهیێن د ناڤ تاخێن ئاكنجیبوونا وهلاتیان دا و د دهمهكێ نێزیك دا دێ بهرههمێ ڤان پڕۆژان دیار بیت”.
