ب گوژمێ 549 ملیۆن دیناران جاددەیێن خانكێ دهێنە قێركرن
ئەڤرۆ، دلڤین رەشید:
ل سەر بوودجەیا تایبەت یا پارێزگەها دهۆكێ و ب گوژمێ 549 ملیۆن دیناران جاددەیێن ناڤخووەیی ل خانكێ دهێنە قێركرن و دو ئاڤەرێژ ژی دهێنە چێكرن.
زەردەشت شێخ شامۆ، رێڤەبەرێ ناوچەداریا خانكێ بۆ رۆژناما ئەڤرۆ دیار كر، ب بڕیارا سەرۆكێ حوكمەتا هەرێما كوردستانێ و ب پشتەڤانیا پارێزگارێ دهۆكێ گوژمێ 549 ملیۆن دیناران ژ بودجەیا پارێزگەهێ بۆ قێركرنا جاددە و ئاڤرێژان هاتینە تەرخانكرن و حەفت گوندێن سنوورێ ناوچەداریا خانكێ دێ ژ ڤی پڕۆژەی مفادار بن.
زەردەشت گۆت: «ئەم مزگینیێ ددەینە خەلكێ ناوچەداریا خانكێ، كو د ڤان دو مەهێن بێن دا، ب درێژاهیا شەش كیلۆمەتران جاددەیێن مایی دێ هێنە قێركرن و هەژمارەكا ئاڤرێژان ژی دێ هێنە دورستكرن و كەڤنە د خزمەتا خەلكێ ناوچەداریێ دا».
