ب گوژمێ دو ملیار دیناران جاددەیا سەرێ گری دهێتە دروستكرن
ب دروستكرنا جاددەیەكا نوو دێ قەرەبالغیا سەرێ گری ل ئاكرێ كێم بیت، كو ناڤدارترین جهێ ئاكرێیە و سالانە ئاهەنگێن ئادار و نەورۆزێ ل سەر دهێنە كرن.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «ل ئاكرێ ب گوژمێ پتر ژ دو ملیار دیناران جـاددەیا سەرێ گری دهێتە دروستكرن و بڕیارە د دەمەكێ نێزیك دا تەمام ببیت و بكەڤیتە د خزمەتا وەلاتیان دا».
گۆتژی: «جاددەیا نوو یا سەرێ گری، دێ جوانیەكا دی دەتە ئاكرێ و هاتنوچوونا وەلاتیان و گەشتیاران ژی بۆ سەرێ گری دێ ب ساناهیتر كەڤیت».
