ب گوژمێ پتری 14 ملیار دیناران پڕۆژە ل ئاكرێ د قووناغێن بجهئینانێ دانە
ئاكرێ، رەمەزان زەكەریا:
د چارچوڤێ بجهئینانا پڕۆژەیێن خزمەتگوزاری دا ژ لایێ حوكمەتا هەرێما كوردستانێ ڤە، ل سنوورێ دەڤەرداریا ئاكرێ هەژمارەكا بەرچاڤا پڕۆژەیان هاتینە بجهئینان و هەژمارەكا دی ژی د قووناغێن بجهئینانێ دانە.
شەعبان خەلیل بەرواری، دەڤەردارێ ئاكرێ ب وەكالەت بۆ ئەڤرۆ گۆت: «هەژمارەكا پڕۆژەیێن گرنگ د بیاڤێ كەرتێ باژێرڤانیێ دا د قووناغێن بجهئینانێ دانە و هەژمارەك ژی تەمامبووینە، وەكو تێكەلەكرن و ڤەكرن و قێركرنا رێكێن ناڤخوەیی ب درێژاهیا 30 كیلۆمەتران، ل گەل جاددەیێن ناڤخوەیی ل گەرەكێن فەوج و چۆستەیی و كانی مامكرۆك و بیۆك، هەروەسا رێكخستناچەندین رێكێن ناڤخوەیی ب درێژاهیا شەش كیلۆمەتران».
ناڤبری گۆتژی: «چەندین رێكێن ناڤخوەیی هاتینە نووژەنكرن و دیوارێن پالپشت هاتینە دروستكرن، ل گەل چێكرنا سۆلینێن ئاڤێ، ئەڤ پڕۆژە ب گوژمێ 14 ملیار دیناران هاتینە بجهئینان و هەژمارەكا وان تەمامبووینە و هەژمارەك ژی د قووناغێن بجهئینانێ دانە».
