ب گوژمێ پتری 22 ملیار دیناران پڕۆژە ل دەڤەرداریا سێمێلێ هاتنە راگەهاندن
پارێزگارێ دهۆكێ ب گوژمێ پتری 22 لیار دیناران پڕۆژەیێن خزمەتگوزاری ل سنوورێ دەڤەرداریا سێمێلێ راگەهاندن.
د. عەلی تەتەر، پارێزگارێ دهۆكێ سەرەدانا دەڤەرداریا سێمێلێ كر و ل سەرۆكاتیا باژێرڤانیا تەناهیێ د كۆنگرەكێ رۆژنامەڤانی دا، هەر ئێك ژ پڕۆژەیێن چێكرنا رێكا سەرەكی رێكا ٦٠ مەتری ل بەرامبەر زانكۆیا نەورۆز ل گەل رێكا نەخۆشخانا گشتی و تایبەتمەند یا پەنجەشێرێ ل باژێرڤانیا تەناهیێ و پڕۆژەیێ چێكرنا سایدەكێ ٣٠ مەتری ژ وێستگەها كارەبێ هەتا رێكا ٦٠ مەتری بەرامبەر زانكۆیا نەورۆز و چێكرنا سایدەكێ ٣٠ مەتری بەرامبەر باژێرڤانیا تەناهیێ هەتا وەستگەها كارەبێ و چێكرنا جۆتسایدێ رێكا ٣٠ مەتری ژ وەستگەها كارەبێ هەتا رێكا ٦٠م مەتری بەرامبەر یەكەیێن ئاكنجیبوونێ راگەهاندن.
دیسا پارێزگارێ دهۆكێ مزگینی دا خەلكێ دەڤەرێ، كو حوكمەتا هەرێما كوردستانێ پتری پێنج ملیار و ٥٠٠ ملیۆن دینار بۆ درستكرنا یاریگەها نوو یا یانا سێمێلێ ژی تەرخانكرینە.
